KU HANYA SWANGA VAKRISTE
Vona Mintxhumu Hi Ndlela Leyi Yehovha A Yi Vonaka Ha
‘A Hosi [Yehovha] yi ti tsrhavela hi vhanu va yone.’ (Ps 149:4) Nambileswi hi kalaka hi nga hetisekanga, Yehovha a vona leswinene ku hine. Minkama yin’wana swi nga ha hi kazratela ku dzringanisela ka ndlela leyi hi tivonaka ha yone. Hi nga ha txhuka hi titwa na hi nga pfuni ntxhumu hi kola ka ndlela leyi van’wana va hi khomaka ha yone. Nakone loko hi tsrhamela ku yanakanyisisa hi swihoxo leswi hi swi yentxiki nkameni lowu khalutiki, hi nga ha sungula ku ganaganeka ka leswaku Yehovha awa hi zrandzra. I yini lexi nga hi pfunaka loko hi txhuka hi titwa hi ndlela leyo?
Dzrimuka leswaku ndlela leyi Yehovha a vonaka mintxhumu ha yone yi hambanile ni ndlela leyi vhanu va yi vonaka ha yone. (1Sa 16:7) Leswi liki a kota ku vona leswi hi kalaka hi nga koti ku swi vona ka hine vinyi. A Bibele dzri hi pfuna ku vona ndlela leyi Yehovha a hi vonaka ha yone. Loko hi dondzra Bibele hi tlhela hi yanakanyisisa hi dzrone, hi ta kota ku twisisa ndlela leyi Yehovha a va zrandzraka ha yone vagandzreli vake.
LALELANI VHIDIYU LEDZRI LIKI NYIKETELA MBILU YAKU KA YEHOVHA HI KU HELELA MI GAMA MI HLAMULA SWIVUTISO LESWI LANDZRELAKA:
Xana xikombiso xa djaha dzri nga ka mpalisanu wa ku tsrutsruma ni papayi wa dzrone, xi hi dondzrisa yini mayelanu ni ndlela leyi Yehovha a hi vonaka ha yone?
Loko mhunu lweyi a yentxiki swidoho leswikulu a tikazratela ku lulamisa wuxaka byake na Yehovha, a nga tiyisekisa mbilu yake ka yini?—1Yh 3:19, 20
Xana makwezru a pfunekise kuyini hi ku dondzra ni ku yanakanyisisa hi xikombiso xa Davhida ni xa Yehoxafati?