KU HANYA SWANGA VAKRISTE
Va Tizra Ngopfu Akuva Va Hi Pfuna
Valaviseli va miganga kun’we ni vasati vavu, hi lizrandzru va tikazratela ku tizrela van’wana. Ku fana mun’wana ni mun’wana wezru, va lavisana ni swikazrato swa ku fana ni ku hela ntamu, ku hlatiyela ni ku vilela. (Yk 5:17) Nambitanu, vhiki dzrin’wana ni dzrin’wana va tikazratela ku kutxa vamakwezru ka bandla ledzri va dzri yendzrelaka. Xileswo, valaviseli va miganga va faneliwa hi kuva hi va komba ‘xihluwa lexi tlulaka ha kubidzri.’—1Tm 5:17.
Pawulo a kunguhate ku yendzrela Roma akuva a ta va ‘yavela swa tinyiko ta moya’ va makwavu va bandla ledzriyani. Yene a a swi hlunyele ngopfu ku ‘tiyisiwa’. (Ro 1:11, 12) Xana u ke u yanakanya hi ndlela leyi u nga mu kutxaka ha yone mulaviseli wa muganga kun’we ni nkatake, loko a li leswaku a txatile?
HLALELANI VHIDIYU LEDZRI LIKI WUTOMI BYA MUN’WE WA MULAVISELI WA MUGANGA A NTLHAVENI, MI GAMA MI HLAMULA SWIVUTISO LESWI LANDZRELAKA:
Xana valaviseli va miganga kun’we ni vasati vavu va tikazratela ku kombisa lizrandzru ledzrikulu a mabandleni hi ndlela yini?
Xana u pfunekise kuyini hi ku tikazrata kwavu?
Xana hi nga va kutxa hi ndlela yini?