Mika

3 Maze mvuga nti: «Ndabinginze mwumve, yemwe bakuru b’abakomoka kuri Yakobo,

namwe batware b’Abisirayeli+.

 2 Mugabo muranka iciza+ mugakunda ikibi+.

Abantu banje mubakurako urukoba, amagufa yabo mukayakurako inyama+.

 3 Vyongeye murarya inyama z’abantu banje+,

mukabakurako urukoba,

mukavunagura amagufa yabo, mukayajanjagura+

nk’amagufa bateka mu nkono*, nk’inyama zitekwa mu nkono.

 4 Ico gihe bazotabaza Yehova,

mugabo ntazobishura.

Ico gihe azobahisha mu maso hiwe+,

kubera ibibi bakora+.

 5 Ku bijanye n’abahanuzi bazimiza abantu banje+,

bamwe bavuga ngo: “Ni amahoro+!” igihe bariko barasemura*+,

ariko bakarwanya* uwutagize ico abaha ngo bashire ku munwa, Yehova avuze ati:

 6 “Muzobona umwiza w’ijoro+, kandi ntimuzokwerekwa+.

Muzobona umwiza gusa, kandi ntimuzoragura.

Abo bahanuzi izuba rizobarengerako,

umurango ubabere umwiza+.

 7 Aberekwa bazomaramara+,

abaraguzi na bo batahe zirayoye.

Bose bazopfuka ubwanwa bwo haruguru*,

kubera ko ata nyishu ivuye ku Mana bazoronka.”»

 8 Ariko jeho, kubera impwemu ya Yehova, nuzuye ububasha,

ubutungane n’inkomezi,

kugira ngo menyeshe Yakobo ubugarariji bwiwe, na Isirayeli ndayimenyeshe igicumuro cayo.

 9 Ndabinginze mwumve ibi, yemwe bakuru b’abakomoka kuri Yakobo

namwe batware b’Abisirayeli+,

mwebwe abanka urunuka ubutungane, mukagoramika ibintu vyose bigororotse+,

10 mukubaka Siyoni murinze gusesa amaraso, mukubaka Yeruzalemu murinze gukora ibitagororotse+.

11 Indongozi* zaho ziraka igiturire mu guca imanza+,

abaherezi baho bakigisha ari uko babarishe+,

n’abahanuzi baho bagasaba amahera* kugira baragure+.

12 Ni co gituma kubera mwebwe,

i Siyoni hazorimwa nk’umurima,

i Yeruzalemu na ho hacike ibirundo vy’ibihomvagurike+,

kandi umusozi uriko urusengero* uzomera nk’umusozi* uriko ishamba+.