Zaburi

86 Ewe Yehova, nuntege ugutwi* kandi unyishure,

kuko ndi umugorwa nkaba n’umukene+.

Nukize umusavyi wawe akwizigira,

kuko uri Imana yanje+.

 3 Ewe Yehova, nungirire ubuntu+,

kuko ari wewe ntabaza bukarinda bwira+.

 4 Ewe Yehova, nunezereze umusavyi wawe,

kuko ari wewe mpanze amaso.

 5 Ewe Yehova, uri mwiza+ kandi witeguriye kubabarira+!

Urukundo* ufitiye abo bose bakwambaza ni rwinshi+.

 6 Ewe Yehova, niwumvirize isengesho ryanje,

utege ugutwi ugutakamba kwanje+.

 7 Ndagutabaza ku musi w’ivyago+

kuko unyishura+.

 8 Ewe Yehova, nta mana iriho imeze nkawe+,

kandi nta bikorwa biriho bimeze nk’ivyawe+.

 9 Ewe Yehova, amahanga yose waremye

azoza yuname imbere yawe+,

kandi azoninahaza izina ryawe+.

10 Kuko uhambaye kandi ugakora ibintu bitangaje+.

Ni wewe wenyene uri Imana+.

12 Ewe Yehova Mana yanje, ndagushemeza n’umutima wanje wose+,

kandi nzoninahaza izina ryawe ibihe vyose,

13 kuko urukundo* unkunda ari rwinshi,

kandi wararokoye ubuzima bwanje ngo ntibuje mu kuzimu+.

14 Ewe Mana, abantu bita imbere bampagurukiye+.

Akagwi k’abantu b’imburakigongwe kariko karondera kunyica,

kandi ntibagutinya na gato*+.

15 Ariko wewe ga Yehova, uri Imana y’imbabazi n’impuhwe*,

iteba gushavura kandi yuzuye urukundo* n’ukudahemuka*+.

Nuhe umusavyi wawe inkomezi zawe+,

urokore umwana w’umusukukazi wawe.

17 Nunyereke ikimenyetso c’ukumera neza kwawe,

kugira ngo abanyanka babibone maze bamaramare.