Isubiramwo ry’Ishure ry’Ubusuku bwa Gitewokarasi
Isubiramwo rigirwa ibitabu bizinze ry’amayagwa yihwejwe mw’Ishure ry’Ubusuku bwa Gitewokarasi, yo ku mushamvu wo ku wa 1 Nzero gushika ku wo ku wa 23 Ndamukiza 2001. Korera ku rundi rukaratasi mu kwishura ibibazo vyinshi ushoboye mu mwanya watanzwe.
[Ibimenyeshejwe: Mu gihe c’iryo subiramwo, ushobora gukoresha Bibiliya yonyene kugira ngo wishure ikibazo ico ari co cose. Amarabiro yatanzwe inyuma y’ibibazo agenewe kworohereza ubushakashatsi wewe wigirira. Ibitigiri biranga urupapuro n’ingingo bishobora kuterekanwa ku marabiro arungika ku Munara w’Inderetsi.]
Ishura Ni Vyo canke Si Vyo ku bivuzwe bikurikira:
1. Iyo abana bashinze urwabo, abavyeyi babo bategerezwa kubandanya gufatira ingingo abo baherutse kwubakana. (Ita. 2:24) [fl-RU rup. 175 ing. 11]
2. Yezebeli yari umusavyi wa Bayali naho yari Umwisirayelikazi. [my-RU Inkuru ya 66] [17, my-RU Inkuru ya 66]
3. Naho nyene Yehonadabu atari Umwisirayeli, yarerekanye umwete yari afitiye ugusenga Yehova mu kwifatanya na Yehu n’umutima ukunze no mu kurwanya ugusenga Bayali. [w98-RU 1/1 rup. 23 ing. 4]
4. ‘Ukurōngōrwa n’ukwizera’ bisobanura gukurikirana ukubaho kuyobowe n’ukwizera. (2 Kor. 5:7) [w98-RU 1/2 rup. 7 ing. 1]
5. Ugutera kwa Shishaki i Buyuda be n’ugusahura “ivy’ubutunzi vyari bibītswe mu ngoro y’Uhoraho n’ivyo mu ngoro y’umwami,” biremezwa n’ivyacukuwe mu butaka. (2 Ngo. 12:9) [Ugusoma Bibiliya kw’umushamvu; raba w88-F 1/2 rup. 26 ing. 4.]
6. Wa “mushumba w’umwizerwa kandi w’incabwenge” (NW) agizwe n’abo mu Bisirayeli yo mu vy’impwemu bakiri kw’isi. (Mat. 24:45-47) [w98-RU 1/2 rup. 26 ing. 16]
7. Birahagije kwizera Yehova no gushaka kuba mw’iparadizo. [uw-RU rup. 7 ing. 6]
8. ‘Ugutera iteka’ abavyeyi bishobora kuba birimwo n’ivy’ukubafasha mu vy’umubiri. (Mat. 15:1-6) [fl-RU rup. 169 ing. 20]
9. Uko ibintu vyifashe muri iki gihe guhuye n’uko vyari biri mu “misi ya Nowa” ubu hakaba haciye imyaka 4.000. (Luka 17:26, 27) [w98-RU 1/1 rup. 6 ing. 3]
10. Kubera uguhemukira Imana kw’Abayuda, igisagara ca Yeruzalemu carasanganguwe mu 70 G.C. kandi abantu barenga umuliyoni barapfa hanyuma 97.000 bajanwa ari inyagano. [w98-RU 1/1 rup. 10 ing. 17]
Ishura ibibazo bikurikira:
11. Abavyeyi batinya Imana banezerezwa n’iyihe ngendo y’abana babo? [fl-RU rup. 167 ing. 16]
12. Mu mubano w’abubatse, ni igiki gifise agaciro kanini kuruta ubwiza bw’umubiri? [fl-RU rup. 173 ing. 8]
13. Ku vyerekeye inkomezi, ni ikihe cigwa gihambaye dushobora kwigira ku Mwami w’Umuyuda Uziya? (2 Ngo. 26:15-21) [Ugusoma Bibiliya kw’umushamvu; raba w99-F 1/12 rup. 26 ing. 1-2.]
14. ‘Kugendana n’Imana’ bisobanura iki? [w98-RU 1/2 rup. 12 ing. 2]
15. Ni kubera iki inkuru yo mu 1 Ngoma 14:8-17 yari iyo kwitwararikwa mu misi ya Yesaya, kandi ni kuki Abiyita Abakirisu bakwiye kuyitwararika muri iki gihe? (Yes. 28:21) [Ugusoma Bibiliya kw’umushamvu; raba w91-RU 1/6 rup. 12 ing. 2-3.]
16. Isezerano ry’Ivyagezwe ryaranguye iki? (Gal. 3:24) [w98-RU 1/2 rup. 24 ing. 4]
17. Ni ikihe cigwa ngirakimazi dushobora kwigira ku gikorwa ca Hezekiya co gukingira no kwongereza amazi ya Yeruzalemu? (2 Ngo. 32:3, 4) [Ugusoma Bibiliya kw’umushamvu; raba w96-F 15/8 rup. 6 ing. 1-2.]
18. Akarorero ka Yosiya gashobora gute kubera indemesho abakiri bato muri iki gihe kugira bakorere Imana kandi bahagarare bashikamye mu kurwanya ugusenga kw’ikinyoma? (2 Ngo. 34:3, 8, 33) [Ugusoma Bibiliya kw’umushamvu; raba w90-F 1/8 rup. 5 ing. 2.]
19. Mbega Abayuda bose basigaye i Babiloni bari ibihemu? Kandi ni icigwa ngirakimazi ikihe dushobora kwigira kuri ivyo? (Ezr. 1:3-6) [Ugusoma Bibiliya kw’umushamvu; raba w86-F 15/1 rup. 8 ing. 4, 7.]
20. Umuziki n’ukuririmba igihe c’ishikiriza ry’urusengero hamwe Yehova yuzuza inzu yiwe igicu gisiga ubwenge vyagaragaje iki? (2 Ngo. 5:13, 14) [Ugusoma Bibiliya kw’umushamvu; raba w94-RU 1/5 rup. 8 ing. 7.]
Tanga i(ama)jambo canke imvugo (b)ikenewe kugira wuzuze ibivuzwe bikurikira:
21. Hana yararungitse agahungu kiwe _______________ gusukurira mw’ihema munsi y’ubuyobozi bw’Umuherezi Mukuru ______________. [my-RU Inkuru ya 55]
22. Kuva kuri ____________________, kugira ngo umuntu yambaze mw’izina rya Yehova, ategerezwa kubatizwa mw’izina rya _______________________. [w98-RU 1/1 rup. 11 ing. 3]
23. Yehova yaranse _______________ mu bahungu ba Yese imbere yuko asaba umuhanuzi wiwe ______________ gutora umuhererezi ________________, kugira ngo abe umwami wa Isirayeli akurikira. [my-RU Inkuru ya 57]
24. Aburahamu yerekanye yuko ubuzima bwiwe bwayoborwa n’ukwizera mu kugamburukira Imana maze akaba mu mahema mu gihe c’imyaka _________________________. [w98-RU 1/2 rup. 10 ing. 12]
25. Kugira ngo Umukirisu w’ukuri aroranirwe aho Salomo yananiwe, ategerezwa gushira ku ruhande ____________________ canke __________________ kwose mu gusenga kwiwe kandi akisunga amajambo ya ____________________ yo ‘gukundisha Yehova Imana yiwe umutima wiwe wose.’ (Mat. 22:37; 1 Ngo. 28:9) [Ugusoma Bibiliya kw’umushamvu; raba w86-F 1/6 rup. 19 ing. 17-18.]
Robanura inyishu y’ukuri muri kimwekimwe mu bivuzwe bikurikira:
26. Inkuru iri mu 2 Abami 17:5, 6 yigana ukuntu (Tigulati-pileseri; Shalumaneseri wa 5; Esarihadoni) yigaruriye ubwami bwo mu buraruko bwa Isirayeli bwari bugizwe n’imiryango cumi maze agatangura kwugariza Samariya ikiringo c’imyaka itatu, ahahavuye hagwa mu maboko y’Abanyasiriya mu (740; 607; 537) B.G.C. [Ugusoma Bibiliya kw’umushamvu; raba w88-F 15/2 rup. 27 ing. 1.]
27. Biciye mu kwigana ibintu vyabaye muri Yeruzalemu inyuma y’aho ubunyagano bw’i Babiloni butanguriye, 2 Abami ikigabane ca 25 harerekana mu buryo bukikirije ko (Danieli; Ezekiyeli; Yeremiya) ari we mwanditsi w’ico gitabu kandi hakanagaragaza yuko caheze kwandikwa nko mu (580; 537; 455) B.G.C. (2 Abm. 25:27) [Ugusoma Bibiliya kw’umushamvu; raba si-F rup. 65 ing. 3.]
28. Umwami akiri muto Salomo yasavye (ubutunzi, ukuba rurangiranwa, ubukerebutsi) kugira ngo ategeke abantu ba Yehova. [my-RU Inkuru ya 63]
29. Mu (455 B.G.C.; 29 G.C.; 33 G.C.) Isirayeli y’Imana yasubiriye Isirayeli yo ku mubiri hanyuma baba Ivyabona vya Yehova. (Yes. 43:10) [w98-RU 1/2 rup. 26 ing. 16]
30. Kugira ngo Yehova arwanye Abamidiyani, yagabanije ingabo za Gideyoni ziva ku bagabo 32.000 zishika ku (22.000, 10.000, 300). [my-RU Inkuru ya 52]
Huza ivyanditswe bikurikira n’ibivuzwe bitondetse aha hepfo:
Kuv. 20:5; Imig. 23:24, 25; 29:25; Mat. 23:8-10; 2 Tim. 4:2
31. Ni icipfuzo gisanzwe ko abavyeyi bishimira ivyo abana babo barangura. [fl-RU rup. 162 ing. 3]
32. Indongozi yacu si umuntu, ni Yezu Kirisitu, kandi twese duca kuri we mu kwitura Yehova mu vy’ugusenga. [uw-RU rup. 8 ing. 8]
33. Uguhindishwa agashitsi n’umuntu birashobora kuniga ubushobozi umuntu afise bwo kuvuga ataco yinona no kwigenza mu buryo buhimbara Imana. [w98-RU 1/2 rup. 14 ing. 10]
34. Kugira dusukurire Imana mu buryo yemera dutegerezwa kuyiyobokera bimwe vyuzuye. [uw-RU rup. 13 ing. 4]
35. Abakirisu b’ukuri babonekera ku mwete bafise haba mw’ishengero canke mu bantu bo hanze. [w98-RU 1/1 rup. 24 ing. 8]