Imvo zituma tunezerwa

1. Imvo zituma tunezerwa

Ntizigir’igitigiri.

Ab’agaciro mw’isi yose

Basendanish’ar’indiri.

Akamwemwe gashinz’imizi

Muri rya Jambo rizima.

Kwama turyiga bituronsa

Ukwizera mu mutima.

Nta na kimwe coza kitwaka

Nya mvo zitunezereza.

Naho haz’ibigeragezo

Yehov’aradukomeza.

2. Ijuru n’isi n’ikiyaga

Biratey’igomwe yemwe!

Duca tumuh’amashi menshi

Twitegerej’ivyaremwe.

Ubu twama dushing’intahe,

Bwa Bwami tukamamaza,

Ivyiza bugiye kuzana

Hose tukabitangaza.

Tuzohimbarw’ibihe vyose,

Urweze rusasagare.

Rya juru na ya si bishasha

Bizozan’agahimbare.