Yararwanye n’ikigatanya

DAWIDI yariko araraba umugabo yari ahagaze hakurya y’ikiyaya ca Ela yitwa Goliyati. Uwutwaza ibirwanisho uwo mugabo yari ahagaze iruhande yiwe kandi yangana n’abandi bantu bose. Rero naho Goliyati yaba ahagaze kure, warabona ko ari ikigatanya. Yareha n’imetero hafi zitatu kandi yari afise inguvu nyinshi cane. Abantu baratinya cane ico kigatanya. Ariko igihe Dawidi yabona Goliyati, ntiyamuteye ubwoba. Hari ikintu catumye agira umutima rugabo.

Nta gihe kirekire cari bwahace umuhanuzi Samweli arobanuje amavuta Dawidi, akamubwira ko ari we azoca aba umwami wa Isirayeli. Kuva ico gihe, impwemu ya Yehova yaciye iza iramuyobora mu buryo budasanzwe. Dawidi yari azwi ko ari «umurwanyi w’intwari kandi arinda» naho yari akiri muto ku buryo adashobora kuja mu gisoda. Se wiwe Yese ni we yari yamutumye ngo aje ahariko harabera urugamba kuraba uko benewabo bamerewe. Benewabo bari mu basoda ba Isirayeli. Ico gihe Dawidi ashobora kuba atari bwashikane imyaka 20.

Dawidi ashitse mu kiyaya ca Ela, yarabonye abasoda ba Isirayeli ku ruhande rumwe n’abasoda b’Abafilisitiya ku rundi ruhande rw’ico kiyaya. Abisirayeli bari batinye kurwana na Goliyati hamwe n’abo Bafilisitiya. Rero abo basoda bo ku mpande zompi bagumye ng’aho barindiriye. Ivyo vyari bimaze amayinga atari make. Dawidi yaciye yumva Goliyati ariko aratuka Abisirayeli. Ivyo vyaramubabaje kubera uwo musoda asenga ibigirwamana ata co bimaze yariko aratuka Yehova Imana! Dawidi yarabajije abasoda ibijanye na Goliyati n’ico umwami Sawuli yoha umuntu yonesha ico kigatanya cubahutse gucokora ingabo za Yehova. Eliyabu mukuru wa Dawidi yibajije ko Dawidi yazanywe no kuraba intambara aca aramubwira nabi. Mugabo Dawidi yabandanije kuremesha abasoda ba Isirayeli ngo baje kurwana n’ico kigatanya.

Abantu baramenyesheje umwami Sawuli ivyo Dawidi yavuze, na we aca aramutumako. Dawidi yaragerageje kuremesha uwo mwami ati: «Ntihagire n’umwe aranduka umutima kubera [Goliyati].» Yamubwiye ko we ubwiwe ashobora ‘kugenda kurwana na we.’ Mu ntango Sawuli yarankiye Dawidi kugenda kuko yabona ko Goliyati yoca amwica. Ariko Dawidi yarabwiye umwami ukuntu Yehova amaze kumufasha gukora ibintu bidasanzwe, nko kwica intambwe n’idubu vyari vyaje gutwara intama za se. Amaherezo Sawuli yaremereye Dawidi kuja kurwana na Goliyati, amuha n’umwambaro wiwe wa gisirikare n’inkota yiwe. Kubera ko Dawidi atari abimenyereye, yaciye abikura ahitamwo gukoresha ibikoresho vyiwe bwite, ni ukuvuga inkoni y’umwungere hamwe n’umugozi bateresha amabuye.

Dawidi yaramanutse muri ico kiyaya aja iyo Goliyati ari, ashitse mu mwonga aca atora amabuye atanu asenye. Yaciye atera aja iyo ca kigatanya kiri. Goliyati abonye ako gahungu Dawidi, yaciye atangura kugatwenga. Yavuze ko aje kumurwanya ‘yitwaje inkoni’, akaba ashobora kuba yariko avuga ya nkoni y’umwungere. Goliyati ashobora kuba atari yabonye ko Dawidi yitwaje umugozi bateresha amabuye, uwari uzwi ko ari ikirwanisho gikomeye igihe gikoreshejwe n’uwukimenyereye. Uwo murwanyi w’Abafilisitiya «[yaravumye] Dawidi mu mazina y’imana ziwe» yongera amubwira ko ikiziga ciwe aza kukigaburira inyoni n’ibikoko vyo mw’ishamba.

Dawidi yamwishuye ati: «Uje kundwanya witwaje inkota n’amacumu, mugabo jewe nje kukurwanya nserukiye Yehova Nyeningabo, Imana y’Abisirayeli batonze urugamba, Imana wasomborokeje.» Ico ni co catumye Dawidi agira umutima rugabo. Ntiyigereranije na Goliyati, ahubwo yagereranije Goliyati na Yehova Imana. Rero Dawidi yari azi neza ko aza kwica ico kigatanya maze Abafilisitiya bagatsindwa bimwe bikomeye.

Dawidi yaciye yiruka iyo Goliyati ari. Yarashize ukuboko mw’isaho aratora ibuye, arizingira kuri wa mugozi, aca arawuzungagiza. Goliyati ashobora kuba yaciye abona ko Dawidi afise umugozi bateresha ibuye, ariko hari harengeranye. Dawidi yaciye arekura iryo buye, rigenda n’inguvu nyinshi rica rigema Goliyati mu ruhanga. Ico kigatanya caciye kigwa ‘cubamye.’ Dawidi yaciye yegera Goliyati, atora inkota yiwe, aca amuca umutwe. Abasoda b’Abisirayeli ubwoba bwaciye buhera, biha akaruru maze bakurikira Abafilisitiya. Uwo musi abasavyi b’Imana baratahukanye intsinzi ikomeye. Ivyo Dawidi yakoze vyaratumye Abisirayeli bagira umutima rugabo kandi na twebwe biratuma tugira umutima rugabo.

Soma iyo nkuru muri Bibiliya:

• 1 Samweli 16:​13, 18, 19; 17:​1-54

Ikibazo co kuganirako:

Dawidi yerekanye gute umutima rugabo?

Niwinjire mu mizi

1. 1. Muri ba sekuruza ba Dawidi ni bande kandi bagaragaje umutima rugabo? (Mt 1:​5, 6; Lk 3:​31-38; w12 1/10 24 ing. 3)

   Inyishu

2. 2. Ni ibiki vyerekana ko iyo nkuru ari iy’ukuri? (wp16.5 13) A

   Inyishu

   

   Courtesy of Israel Antiquities Authority

3. 3. Vuga ingene ubuzima bwa Dawidi bwari bumeze akiri agahungu k’akungere. (w11 1/9 27 ing. 1–28 ing. 1) B

   Inyishu

   

   Todd Bolen/BiblePlaces.com

4. 4. Ni igiki kitwemeza ko abantu bamwebamwe bakengera Dawidi? (w21.03 3 ing. 6; it «Éliab» No. 4 ing. 1-wcgr)

   Inyishu

Rondera ivyigwa wohakura

• Akarorero ka Dawidi kogufasha gute kurwanya . . .

  • ubwoba? C

    Inyishu

    

  • ivyipfuzo bibi?

    Inyishu

• Igihe ugaragaje umutima rugabo vyofasha gute abandi? (1 Sam. 17:​50-53)

  Inyishu

• Ni mu bundi buryo ubuhe wokwigana umutima rugabo Dawidi yagaragaje muri iyi nkuru?

  Inyishu

Zirikana mu buryo bwagutse

• Iyi nkuru inyigishije iki ku vyerekeye Yehova?

  Inyishu

• Iyi nkuru ifitaniye isano irihe n’umugambi wa Yehova?

  Inyishu

• Ni ibiki nzobaza Dawidi niyazuka ku bijanye n’ico kiringo c’ubuzima bwiwe?

  Inyishu

Rondera kumenya n’ibindi

Muri uru ruririmbo rw’abana, nurabe icatumye Dawidi agira umutima rugabo.

Dawidi ni akarorero ku bakiri bato (2:35)

Nka kumwe kwa Dawidi, ni ibiki abavukanyi bokora kugira abandi babubahe?

«Bavukanyi mukiri bato, mwokora iki ngo abandi babizigire?» (w21.03 2-5 ing. 1-11)