ICEGERANYO C'IBITABU CO KURI INTERNET ca Watchtower

ICEGERANYO C'IBITABU CO KURI INTERNET

mwb16 Ndamukiza rup. 3
Remesha abandi ukoresheje amajambo meza

Ubuzima bwacu n’igikorwa cacu—Agatabu k’ikoraniro—2016

mwb16 Ndamukiza rup. 3

UBUTUNZI BWO MW’IJAMBO RY’IMANA | YOBU 16-20

Remesha abandi ukoresheje amajambo meza

Uwutanga impanuro akwiye gukoresha amajambo aremesha

Kubera ko Yobu yari yishwe n’intuntu be n’umubabaro, yari akeneye kuremeshwa
Abagenzi batatu ba Yobu nta jambo na rimwe ry’indemesho bamubwiye. Ahubwo barasongereye isibe mu kumwagiriza

Amajambo ababaza Biludadi yavuze yatumye Yobu aborogeshwa n’umubabaro

Yobu yatakambiye Imana ngo imuruhure, naho vyoba biciye ku rupfu
Yobu yagumije umutima ku cizigiro c’izuka, bituma aguma yihanganye adahemuka

Elifazi ariko avugisha Yobu, Biludadi na Zofari barorera

ABAGIRIJE YOBU

Elifazi:

Bishoboka ko Elifazi yava i Temani mu gihugu ca Edomu. Muri Yeremiya 49:7 herekana ko i Temani hari hagwiriye incabwenge z’i Edomu
Mu baje guhoza Yobu, ni we yatanguye kuvuga kuko ashobora kuba yari abakuriye akagira n’ijambo kubaruta. Yavuze gatatu, avuga n’umwanya muremure kuruta bagenziwe

Ibinyoma yamwagirije:

Yaraneguye ugutungana kwa Yobu yongera avuga ko Imana itizera abasavyi bayo (Yb 4, 5)
Yavuze ko Yobu yita imbere, ko ari umubisha be n’uko adatinya Imana (Yb 15)
Yamwagirije ubwikunzi n’akarenganyo, avuga kandi ko umuntu ata co amariye Imana (Yb 22)

Biludadi:

Yakomoka kuri Shuwa. Ashobora kuba yaba hafi y’Uruzi Efurate
Ni we yakurikiye Elifazi mu kuvuga. Yafashe ijambo gatatu, avuga bike mugabo bibabaza gusumba ivya Elifazi

Ibinyoma yamwagirije:

Yavuze ko abana ba Yobu boba baracumuye, bakaba rero bari bakwiriye ivyago vyabashikiye be n’uko Yobu atubaha Imana (Yb 8)
Yerekanye ko Yobu yari umunyavyaha (Yb 18)
Yavuze ko ugutungana kw’umuntu ata co kumaze (Yb 25)

Zofari:

Yari Umunayamati, kumbure akaba yaturuka mu buraruko bushira uburengero bwa Arabiya
Yavuze ubwa nyuma kandi ni we yasonze Yobu gusumba abandi. Yavuze kabiri gusa

Ibinyoma yamwagirije:

Yabwiye Yobu ko avuga amajambo atagira mvura, amubwira guheba ibibi yakora (Yb 11)
Yavuze ko Yobu yari umuntu w’umubisha akunda ikibi (Yb 20)