Ingene wokwiyigisha

Nurondere kumenya neza Yehova

Igihe dusoma Bibiliya, turashobora gukoresha ibikoresho vyo kwiga bitandukanye kugira dutahure neza ivyo dusoma. Ariko ntidushaka kwiga gusa kugira twongerereze ubumenyi bwo muri Bibiliya. Twipfuza kumenya uko Yehova ameze kugira turushirize kumukunda. Kugira tubishikeko twokwibaza duti: “Ibi nsomye binyigishije iki ku vyerekeye Yehova?”

Nk’akarorero twogerageza kubona ukuntu Yehova yerekanye urukundo, ubukerebutsi, ubutungane n’ububasha. Ariko hariho n’ibindi biranga Yehova. Arafise n’izindi kamere nziza. Ni hehe ushobora gukura ayandi makuru ku vyerekeye kamere ziwe?

Nurabe urutonde rwa kamere zirenga 50 dusanga mu gitabu c’ironderero (Index des publications des Témoins de Jéhovah) munsi y’umutwe uvuga ngo «Yehova» uce uraba agatwe kavuga ngo «Qualités par nom.» Nurondere izihuye n’inkuru yo muri Bibiliya uriko urasoma. (Nimba uronka gusa Igitabu c’ubushakashatsi c’Ivyabona vya Yehova, nurabe munsi y’umutwe uvuga ngo «Yehova Imana» uce uraba munsi y’agatwe kavuga ngo «Kamere za Yehova.»