Gukoresha ibibazo

Matayo 16:13-16

INCAMAKE: Ubigiranye ukwiyubara, nubaze ibibazo kugira utume abakwumviriza bagumana inyota yo kugukurikira, kugira ubafashe kuzirikana no kugira ushimike ku vyiyumviro bihambaye.

UKO WOBIGIRA:

• Nutume abakwumviriza bagumana inyota yo kugukurikira. Nubaze ibibazo bituma bazirikana canke bagira inyota yo kumenya n’ibindi.

• Nubafashe kuzirikana. Nubafashe gutahura neza iciyumviro uriko urashikiriza mu kubaza utubazo dutuma ubwabo bibonera neza ko ivyo uriko uravuga ari ukuri.

• Nushimike ku vyiyumviro bihambaye. Kugira ucire inzira iciyumviro gihambaye, nubaze akabazo gatuma abakwumviriza bumva bashashaye kuronka inyishu. Uhejeje guca irya n’ino iciyumviro gihambaye canke urangije ikiganiro cawe, nubaze utubazo tw’isubiramwo.