UBUZIMA BW’UMUKIRISU
Bavyeyi, nimufashe abana banyu kuronka ubukerebutsi buva ku Mana
Bumwe mu buryo bwiza kuruta abavyeyi bofashamwo abana babo kuronka ubukerebutsi buva ku Mana, ni mu kubafasha kwungukira ku makoraniro. Ivyo abakiri bato babona ku makoraniro, ivyo bahumvira, canke inyishu batanga birashobora kubafasha kwiga ivyerekeye Yehova kandi bakaba abagenzi biwe somambike. (Gus 31:12, 13) Nimba uri umuvyeyi, wofasha gute umwana wawe kwungukira cane ku makoraniro?
Nugire akigoro ko kwitaba amakoraniro ku Ngoro y’Ubwami.—Zb 22:22
Nurondere umwanya wo kuremeshanya n’abandi ku Ngoro y’Ubwami imbere y’ikoraniro canke inyuma yaryo.—Heb 10:25
Nurabe ko umwe wese mu bagize umuryango afise ibitabu mukoresha kw’ikoraniro, haba mu buhinga bwa none canke mu mpapuro
Nufashe umwana wawe gutegura inyishu mu majambo yiwe bwite.—Mt 21:15, 16
Nuvuge neza ibijanye n’amakoraniro hamwe n’inyigisho uharonkera
Nufashe abana bawe kuja mu bikorwa vy’ishengero, nko gukubura Ingoro y’Ubwami no kuyagisha abitereye mu myaka bo mw’ishengero
Gufasha abana bawe kwiyegereza Yehova bisaba akigoro, kandi vyoshobora gushika ukumva usa n’uwurengewe. Ariko rero, urashobora kwizigira ko Yehova azogufasha.—Yes 40:29.
NIMURABE IVIDEWO IVUGA NGO BAVYEYI, NIMWIHEKE KURI YEHOVA NO KU NKOMEZI ZIWE, MUCE MWISHURA IBIBAZO BIKURIKIRA:
Uburuhe bwagize ingaruka izihe kuri Zack na Leah?
Kubera iki abavyeyi bakwiye gusaba Yehova ngo abakomeze?
Ni mu buryo ubuhe Zack na Leah bihetse kuri Yehova kugira baroranirwe?