Isengesho
Tuzi gute ko Yehova yumviriza amasengesho akongera akayishura?
Raba kandi Zb 66:19; Ivk 10:31; Heb 5:7
Inkuru zo muri Bibiliya zogufasha:
1Bm 18:36-38—Yehova yarishuye adatebaganye isengesho ry’umuhanuzi Eliya ku musozi Karumeli igihe yari ahanganye n’abahanuzi ba Bayali
Mt 7:7-11—Yezu yaturemesheje kuguma dusenga yongera adusubiriza umutima mu nda ko Yehova Data wa twese yuzuye urukundo adutega yompi
Ni nde gusa abakirisu bakwiye gusenga?
Dusenga mw’izina rya nde?
Yehova yumva amasengesho ya bande?
Ni amasengesho ya bande Yehova atumviriza?
Img 15:29; 28:9; Yes 1:15; Mik 3:4; Yak 4:3; 1Pt 3:7
Inkuru zo muri Bibiliya zogufasha:
Yos 24:9, 10—Yehova yaranse kwumviriza Balamu kuko yasavye ibidahuye n’ivyo Imana igomba
Yes 1:15-17—Yehova yaranse kwumviriza amasengesho y’abasavyi biwe kubera ko biyorobeka bagasesa amaraso
Uburyo bwiza bwo kurangiza isengesho ni ubuhe, kandi kubera iki?
Hoba hari uburyo kanaka Bibiliya idusaba kwifata igihe dusenga?
Ni ibintu bimwebimwe ibihe abasavyi ba Yehova bashobora kumusaba igihe bahuriye hamwe ngo bamusenge?
Inkuru zo muri Bibiliya zogufasha:
1Ng 29:10-19—Umwami Dawidi yaraserukiye mw’isengesho ishengero rya Isirayeli igihe abantu bariko baratanga bavyishakiye intererano zo kwubaka urusengero
Ivk 1:12-14—Intumwa, benewabo na Yezu, Mariya nyina wa Yezu n’abandi bagore bamwebamwe b’abizigirwa bari mu cumba co hejuru i Yeruzalemu bariko barasengera hamwe
Kubera iki uwuriko arasenga adakwiye kwiyerekana canke kurondera gutangaza abandi?
Vyoba bibereye gusenga tugira dufungure?
Kubera iki tudakwiye kwigera dufata minenegwe ibijanye no gusenga Data wa twese wo mw’ijuru?
Rm 12:12; Ef 6:18; 1Ts 5:17; 1Pt 4:7
Inkuru zo muri Bibiliya zogufasha:
Dn 6:6-10—Naho umuhanuzi Daniyeli yabona ko yoshobora kwicwa, yarabandanije gusengera Yehova ahantu abandi bashobora kumubona nk’uko vyahora
Lk 18:1-8—Kugira Yezu yerekane ko Data wa twese agororotse azokwishura abikunze amasengesho abasavyi biwe baguma bamutura barondera gufashwa, yakoresheje akarorero k’umucamanza atagororotse, yagondojwe n’umugore umwe yaguma amusaba ngo amutunganirize
Ni agatima akahe dukwiye kuba dufise nimba twipfuza ko Imana yumva amasengesho tuyitura dusaba kubabarirwa?
Inkuru zo muri Bibiliya zogufasha:
2Bm 22:11-13, 18-20—Kubera ko umwami Yosiya yicishije bugufi maze akarondera guhimbara Yehova, yaragiriwe imbabazi nyinshi n’ubuntu
2Ng 33:10-13—Umwami Manase yarasenze yicishije bugufi, bituma Yehova amubabarira yongera amusubiza ku ntebe y’ubwami
Yehova adusaba iki kugira tubabarirwe?
Kubera iki ari vyiza kubwira Imana ko twipfuza ko ivyo igomba biranguka?
Kubera iki amasengesho yacu akwiye kugaragaza ko twizera Dawe wa twese wo mw’ijuru?
Ni ibintu bimwebimwe ibihe bibereye twoshira mw’isengesho?
Ukwezwa kw’izina ry’Imana
Ukuza kw’Ubwami bw’Imana ngo buganze isi yose
Iranguka ry’ivyo Imana igomba
Gusaba ibintu vy’umubiri dukeneye
Kubabarirwa ibicumuro vyacu
Kudukingira iyo tugeragejwe
Gukenguruka
Gusaba Imana ngo idufashe kumenya ivyo igomba, iduhe ugutahura n’ubukerebutsi
Raba kandi Zb 119:34
Inkuru yo muri Bibiliya yogufasha:
1Bm 3:11, 12—Yehova yarahimbawe no kuba umwami Salomo yarasavye ubukerebutsi maze amuha ubukerebutsi bwinshi
Gusaba impwemu nyeranda
Gusabira abakirisu bagenzi bacu, harimwo n’abariko bashikirwa n’uruhamo
Gushemeza Imana
Inkuru zo muri Bibiliya zogufasha:
Lk 10:21—Yezu yarashemeje Se ku mugaragaro kubera yahishuriye ukuri kwo mu vy’impwemu abicisha bugufi nk’abana
Ivy 4:9-11—Umuryango wa Yehova wo mw’ijuru uramuha iteka n’ubuninahazwa abereye
Gusaba Yehova ko yotuma abari ku butegetsi bareka tukamusenga mu mahoro kandi tukavuga n’inkuru nziza
Raba kandi Yr 29:7
Vyoba bibereye gusenga igihe co kubatizwa?
Vyoba bibereye gusenga dusabira abarwaye mu vy’impwemu?
Kubera iki abagabo bakunda gusenga batitwikiriye umutwe, kandi ni kubera iki abagore rimwe na rimwe bitwikira umutwe bariko barasenga?
Ni igiki gihambaye gusumba umwanya tumara turiko turasenga canke inyiyumvo dushiramwo?
Inkuru zo muri Bibiliya zogufasha:
1Bm 18:25-29, 36-39—Igihe umuhanuzi Eliya n’abahanuzi ba Bayali bahiga, abo bahanuzi baramaze amasaha n’ayandi bambaza imana yabo ariko ntihagira ikivamwo
Ivk 19:32-41—Abasenga ibigirwamana i Efeso baramaze amasaha abiri bahayagiza imanakazi Arutemi bivuye inyuma, ariko nta kindi cavuyemwo atari uko umukuru w’ico gisagara yababwiye guhagarika ako kaguma