Библия диэн тугуй?

БИБЛИЯ ТУОХ ДИИРИЙ

«Суруйуулар барылара Таҥара Тыынынан суруллубуттар» (2 Тимофейга 3:16, Саҥа Кэс Тыл).

ЭҺИЭХЭ ОЛ ТУОХ СУОЛТАЛААҔА БУОЛУОЙ

Олоххо үөскүүр ыйытыыларга сөптөөх хоруйу биэрэр (Притчи 2:1—5).

Күннээҕи кыһалҕалары быһаарарга көмөлөһөр (Псалом 118:105).

Инникигэ кэскиллээх олоҕу эрэннэрэр (Римляннарга 15:4).

БИБЛИЯ ЭТЭРИГЭР ИТЭҔЭЙИЭХХЭ СӨП ДУО?

Сөп. Ону итэҕэйэргэ кырата үс биричиинэ баар:

• Биир санаанан суруллубут. Библияны 40-ча араас киһи 1 600 сыл тухары суруйбуттара. Үксүлэрэ бэйэ-бэйэлэрин кытта хаһан да көрсүбэтэхтэрэ. Ол эрээри бу кинигэ саҕаланыаҕыттан бүтүөр диэри биир теманы арыйар!

• История өттүнэн дьиҥнээҕи кэпсиир. Элбэх историктар бэйэлэрин норуоттарын хотторбуттарын туһунан суруйбаттар. Оттон Библияны суруйбут дьоннор, онно холоотоххо, тус бэйэлэрэ уонна биир дойдулаахтара тугу сыыспыттарын туһунан аһаҕастык суруйбуттара (2 Летопись 36:15, 16; Псалом 50:1—4).

• Чахчы туолбут өтө көрүүлэр. Былыргы Вавилон куорат урусхалланарын туһунан Библия быһа холоон 200 сыл иннинэ өтө көрөн эппитэ (Исаия 13:17—22). Онно Вавилон хайдах эстибитин эрэ туһунан буолбакка, оннооҕор сэриилээн ылбыт ыраахтааҕы аата суруллубута (Исаия 45:1—3).

  Ону таһынан Библия элбэх атын өтө көрүүлэрэ ымпыгар-чымпыгар тиийэ туолбуттара. Ама, Таҥара Тылыттан киһи оннугу күүппэтэ буолуо дуо? (2 Петр 1:21).