Néndoo ge 1

Bann bba j’a gerje né ge Allah aou ngina ro ci’d wa

See taje ge maji yaan ge bann bba to mee Bible’d wa. (1)

Bible lé na bba to njea wa. (2)

See mba ribba a ndooje Bible wa. (3)

1. Bible lé to nékàrnoji ge maji yaan ge in ro Allah’d. To asena qe mbeté ge bau ngannje ge maji ula ne àr nganneeje bèe. Bible ndoo ci ta ge togero do Allah’d. See Allah lé to na wa, see yeen oo néje bann-bann wa. Bible or se ci ginn néje, see bann bba j’a kingaje reou néje ge aou tôo ro ci wa, see bann bba j’a kingaje rolel ge togero wa. Bible ya kara ba ula ci né ge j’a raje mba taa ne kem Allah.​—⁠Psaumes 1:​1-3; Esaïe 48:​17, 18.

2. Bible lé deouje as 40 bba ndang. D’unn kudee me leb’d ge 1513 ketté par-par bba d’ooji Jesu Kristi bei, tol tea as bbal 1 600 géee’g. Bible lé gajee danna as ngann maktub 66. Nje ge ndang Bible lé ndil Allah bba os dee bboin-bboin àr dee ndang. Ndaa to Allah ge, mee dara’d ya bba to Njea boo deouje ge do nang nee el.​—⁠2 Timothée 3:​16, 17; 2 Pierre 1:​20, 21.

3. Allah aa do Bible ker-ker àr dee ndang ge goo rebee ngem maji. Bible ya kara ba to maktub ge ndangee d’àree uru do mareeje lai do nang nee. Deouje ge nanje ro dee a lel dee el mbata sein aou ndooje Bible, ne àrje né ge rang kara kârâ og si el. Mbata kàr si shije khemba qe non lé, lee deouje ge nanje ndigi se si el kârâ, maji k’ar si ndooje mba ger Allah, raje mee ndigi lea.​—⁠Matthieu 5:​10-12; Jean 17:⁠3.