Néndoo ge 5

See ribba Allah wöji mba ra qe do nang wa

See mba ribba Jéhovah unda do nang wa. (1, 2)

See mba ribba bbogenè do nang to paradis el wa. (3)

See ribba a ree do njémeeyèrje’d wa. (4)

See ribba Jesu a ra ndo ge rang’d mba njémoeije, deouje ge bbuga lem qe njé ge d’wei lem wa. (5, 6)

Mba kàr si ingaje né-dokaisegereje neelé see a raje bann wa. (7)

1. Jéhovah ra do nang neelé mba kàr deouje d’ishi kenneng qe rolel qe ndoje lai. Yeen ndigi kàr deouje ge ro dee lel dee ge ra né danna d’ishi kenneng saar qe non. (Psaumes 115:16; Esaïe 45:18) Nang neelé a tuji pai el; a to saar-saar’d non.​—⁠Psaumes 104:5; Ecclésiaste 1:⁠4.

2. Ketté bba karee unda deou bei lé, Allah wa deb do nang séen yeen ra paradis loo ge ndôlé. Yeen bbar loo neelé loo-ndö ge Eden. Loo nee bba unda dingam ge dongor qe denne ge dongor kenneng, Adam qe Ève. Allah ndigi kàr dee d’oji ngannje deen rusu do nang nee njin-njin. Séen-séen ndaà, d’a ra do nang nee lai kàree to paradis.​—⁠Ginn-né 1:28; 2:​8, 15.

3. Adam qe Ève ra kaiya, d’oo gao bba ra bèe d’al ne ta tâ Allah’d. To ge bèe bba Jéhovah tuba dee loo-ndô’d ge Éden. Paradis lé igi. (Ginn-né 3:1-6, 23) Nê mee Jéhovah wei do takenji’d lea ge dotar lé el. Yeen unn ndia pana ndo kara ndaà n’a ra do nang neelé’d paradis, kàr deouje d’ishi’d saar-saar qe non. Bèe lé, see Allah a ra to ge bann wa.​—⁠Psaumes 37:29.

4. Mba kàr do nang nee tel paradis ndaà, maji kàr njémeeyèrje sané pa bba. (Psaumes 37:38) Sané pa le dee aree Har-Maguédôn, to rö ge Allah a kàr ne gel meeyèr unn ne ddiao. Goo’d ndaà, Satan a ra dangai bbal 1 000. Ge neelé woji kàr njémeeyèr kara kârâ a shi bba a tuji nang nee el. Ngannjékishije le Allah qe kàr dee bba d’a kinga kaji.​—⁠Lookillaréa 16:​14, 16; 20:​1-3.

5. Ndaà Jesu Kristi a to Mbai ge do nang nee bbal 1 000. (Lookillaréa 20:⁠6) Séen-séen ndaà, yeen a kor kaiya takenji’d le ci lem qe da ro ci’d lem to. Jeen j’a telje deouje ge maji or njorong to ge Adam qe Ève ketté bba kàr dee ra kaiya bei to. Ndaà moei kara kârâ a goto, bbuga el lem Yoo el lem to. Njémoeije ro dee a ndô lem deouje ge bbuga d’a tel basa qe mand lem to.​—⁠Job 33:25; Esaïe 33:24; Lookillaréa 21:​3, 4.

6. Mee bbal ge 1000 ge Jesu a shi ne kalimbai’d lé, deouje ge to mweiseije lé d’a ra kula mba kàr do nang lai tel paradis. (Luc 23:43) Tobei bula deouje ge d’wei d’a teen dokumbwa’d mba shi do nang nee. (Néra 24:15) Boo lee ra mee ndigi le Allah ndaà, d’a shi qe kheme ge qe non do nang nee. Boo lee bèe el ndaà d’a tuji dee rugu-rugu qe non.​—⁠Jean 5:​28, 29; Lookillaréa 20:​11-15.

7. Takenji le Allah ge ketté woji do nang neelé a teen mbi. See sein ndigije kingaje né-dokaisegereje ge a ree neelé wa. Boo lee bè ndaà, kem si’d ketté sangje reou ger Jéhovah lem kem si’d ketté raje né ge yeen deji si lem to. Boo lee aouje loo kwadonan’d le Témoinje le Jéhovah Salle du Royaume’d ge to ro si’d deb ndaà a la se si kalang.​—⁠Esaïe 11:9; Hébreuje 10:​24, 25.

[Foto ge to mee mbeteʼg 10]

Paradis lé igi

[Foto ge to mee mbeteʼg 11]

Goo Har-Maguédôn’d ndaà do nang a tel paradis