Néndoo ge 7

I rem per ge ro Allah’d mbol do tamaji

See’d mba ribba maji ra tamaji tar-tar wa. (1)

See na bba j’a raje tamaji tea’d wa, see j’a raje bann wa. (2, 3)

See neje ge rabba maji ra tamaji ge mba dee wa. (4)

See kàr ge rabba i as ra ne tamaji wa. (5, 6)

See Allah lel mbia oo ne tamajije lai wa. (7)

1. Ra tamaji lé, to k’ula Allah ta qe koso kul yururu. I as ra tamaji tâ Allah’d tar-tar. Bèe ndaà yeen a tel boakura lei ge roi’d deb. Jéhovah lé bôo yan lem tögee yaan lem to; nê, yeen lel mbia oo ne tamajije le ci. See i aou ra tamaji tâ Allah’d tar-tar ya wa.​—⁠Psaumes 65:3 (65:2, NW); 1 Thessalonicienje 5:⁠17.

2. Tamaji lé to né ge kara ba se pôlé Allah. Ndaà Allah, Jéhovah ya’d karee ba j’a raje tamaji tea’d. Loo ge Jesu shi do nang nee bei lé, yeen ra tamaji tâ Baubee’d ya qe ndoje lai boo ra àr deou ge rang el. Jeen kârâ j’a raje to ge yeen ra ne bèe to. (Matthieu 4:10; 6:⁠9) Nê tamajije le ci lai lé j’a raje qe ri Jesu. To ge bèe ndaà, jeen j’wöjije’d raga to ge jeen j’illaje koji do Jesu’d wöji do loo shiee lem j’omje mee ci do sakrifice’d lea ge to nékugado lem to.​—⁠Jean 14:6; 1 Jean 2:​1, 2.

3. Loo ge j’aou raje tamaji ndaà maji kàr ci j’ulaije Allah ta ge in do bbengere ci’d kei. Tamajije le ci lé j’a k’unnje do ci’d ge récitacion el lem j’a turaje mee maktub tamaji’d el lem to. (Matthieu 6:​7, 8) J’askem ra tamaji qe looje lai j’aarje ne tar esé j’ishije ne nang kârâ to kari, nê k’illa koji bba to né. Allah as k’oo tamajije ge jeen raje do mundu’d mee ci’d lem to. (1 Samuel 1:​12, 13) Maji kinga loo ge to nding, eou séen qe deouje, bba mba ra ne tamajji ge woji do ci qe kar’ci.​—⁠Marc 1:⁠35.

4. See i a ra tamaji tâ Allah’d mba né je ge bann wa. Mba néje lai ge wöji do boakura ge dann si’d sea. (Philippienje 4:​6, 7) Goso tamaji ge Jesu àr ci lé wöji to ge j’a raje tamaji qe mba ribbar lem, mba mee ndigi le Jéhovah lem to. Jeen j’as ra tamaji qe mba néje ge j’aouje ndéee ge kan daro ci lem, mba kàr méee osolemsé do kaiya’d le ci lem, mba karee la se ci àr ci j’waje ro ci kögero do nénaaje’d lem to. (Matthieu 6:​9-13) Maji kàr ci jeen kesje qe tamajije le ci el. Tamaji ra le ci lé a k’aou nan’d kara kiao se neje ge Allah ndigi.​—⁠1 Jean 5:14.

5. I as ra tamaji loo ge meei osi bboin-bboin kàri ra Allah merci esé kàri pitee. (1 Chroniqeje 29:​10-13) I as ra tamaji loo ge né ge kedërë teen doi’d lem loo ge néje naa meekunn lei lem to. (Psaumes 55:​23 [55:⁠22, NW]; 120:⁠1) Maji ra tamaji ketté bba so né bei to. (Matthieu 14:19) Jéhovah ula digam mee ci’d pana “kàr ge rara kârâ.” raje tamaji​—⁠Ephésienje 6:⁠18.

6. Boo lee jeen raje kaiya ge bôo yaan ndaà, jeen j’aou ndôo ra tamaji yaan leegenee. Jeen j’askem dejije Jéhovah kookemtondôo lea lem meekosolemsé lea lem to. Boo lee jeen tegje ginn kaiyaje le ci qe raga j’àrje Allah lem jeen j’waje ro ci kögero kàr ci tel j’osoje kenneng gogo el ndaà, Allah shi do golee’d pérére mba kàr ‘méee osolemsé’ do ci’d.​—⁠Psaumes 86:5; Gosota 28:⁠13.

7. Jéhovah lel mbia oo ne tamajije le njémeekarabasurje. Mba kàr Allah oo tamajije lei ndaà, maji kàri i ra yaan qe tögi kàri njaa goo tôrnduje’d lea. (Gosota 15:29; 28:⁠9) Loo ge aou ra tamaji ndaà, maji kàri oso kul yururu. (Luc 18:​9-14) Maji kàr kula rai aou nan’d qe tamaji lei. Bee ndaà i woji’d raga tësërë to ge i to njémeekunn ge ged lem ta ge i enji togero’d bba teen tâi’d lem to. Boo lee i ra qe goo rebbe bèe ndaà tamajije lei lé Jéhovah a tel qe réponse kàri ya.​—Hébreuje 11:⁠6.