Pinafunika Kulongwa Pa Kugawira Marevista

A Sentinela 15 de Mar.

“Azinji a ife asaudziwa mpsopswo wa kuluza nyakufunika m’kufa. Kodi musadziwa pikiro iyi yakuthonthosa? [Lerini Machiriro 24:15. Dikhirani ntawiro.] Ngakhale tenepa, anthu azinji asabvunzika: Kodi mbani anafuna kudzalamuswa muli akufa? Kodi pyenepi pinadzacitika lini? Na pinadzacitika kupi? Revista iyi isapasa matawiro a Biblya a mabvunzo anewa.”

Despertai! ya Mar.

“Anthu azinji asakhulupira kuti Yezu ndi Mulungu. Mwakukomeresa, Pedro, nyakupfunza wa Yezu, amulonga ninga Mwana wa Mulungu. [Lerini Mateo 16:16.] Kodi musanyerezera kuti mphyakukwanisika Yezu mbodzi ene kukhala Mulungu na Mwana wa Mulungu? [Dikhirani ntawiro.] Nsolo unagumanika pa tsamba 12-13 usadinga mbvunzo uyu, mbupasa maonero a Biblya.”

A Sentinela 1.° de Abr.

“Mafala anewa akudziwika kakamwe asagomezera kufunika kwa kukhala na cidziwiso ca Mulungu. [Lerini Mateo 4:4.] Natenepa, anthu azinji asaona kukhala kwakunensa kubvesesa Mafala a Mulungu. Kodi imwe musaonambo tenepa? [Dikhirani ntawiro.] Revista iyi isapereka maonero adidi akuti angakwanise kukuphedzani kubvesesa Biblya.”

Despertai! ya Abr.

“Anthu azinji asawangisira towera akhale akutsanzaya, mbwenye anakugumana ndi akucepa. Kodi musanyerezera kuti pinthu pidandandalikwa apa pingakwanise kuphedza anthu kukhala na umaso wakutsanzaya? [Pangizani bokosi iri pa tsamba 9. Buluka penepo lerini lemba ibodzi inagumanika penepo.] Despertai! iyi isapereka njira yakubuluka m’Biblya towera kugumana kutsanzaya kwandimomwene.”