Pyakulonga Pa Kugawira Marevista

A Sentinela 1.° de Jan.

“Kodi imwe musakhulupira pinalongwa pa lemba iyi? [Lerini Tyago 3:2.] Nsolo uyu usapereka maonero mangasi akuphata basa akubuluka m’Biblya akuti anakwanisa kutiphedza kucalira kudzadzada mitima ya piwalo pya banja na mafala athu.” Pangizani nsolo unatoma pa tsamba 10.

Despertai! ya Jan.

“Mabanja onsene ali na pinenso. Kodi imwe musanyerezera kuti anyakumanga banja anagumana kupi uphungu wakunyindirika? [Dikhirani ntawiro.] Onani citsogolero ici cakunyindirika. [Lerini Aefesi 5:22, 25.] Nsolo uyu usafokotoza kuti pisabvekanji kwa nkazi kubvera peno kungonjera mamunace.” Pangizani nsolo unatoma pa tsamba 28.

A Sentinela 1.° de Fev.

“Na nyatwa zonsene ziri na ife lero, kodi imwe musanyerezera kuti mphyakukwanisika kukhala na ntendere wandimomwene wa manyerezero? [Dikhirani ntawiro.] Kudinga pikiro ya Biblya ya kutsogolo kwaphedza anthu azinji. [Lerini ibodzi mwa malemba akukhala peno akusowa mafala mu ndima anagumanika mu nsolo unafuna imwe kupangiza.] Revista iyi isapangiza kubulukira m’Biblya kuti ife tabuluka kupi, cifuniro ca umaso na pinafuna kucitika kutsogolo kwathu.”

Despertai! ya Fev.

“Thangwi ya kuthimizirika kwa usumankha, anthu azinji nee asakhala akutsidzikizika tayu. Kodi imwe musanyerezera kuti pinthu pinadzakhala mwadidi kutsogolo? [Dikhirani ntawiro.] Onani profesiya iyi yakukomeresa ya Biblya. [Lerini Masalmo 37:10.] Revista iyi isalonga pinacitisa usumankha na kuti Biblya inamalisa tani nyatwa ineyi.”