Pyakulonga Pa Kugawira Marevista

Sentinela 1.° de Setembro

“M’midzidzi inango anthu asacita pinthu pyakuipa thangwi kupeuswa na mphinga ya mauphemberi. Kodi musanyerezera kuti ndi ninji cinaacitisa kunyengetwa? [Dikhirani ntawiro.] Onani pinawangisa Bhibhlya. [Lerini 1 Jwau 4:1.] Nsolo uyu usafokotoza thangwi yanji ndi kwakufunika kulandanisa pinakhulupira ife mwakubverana na pinalonga Mafala a Mulungu.” Pangizani nsolo unatoma pa tsamba 10.

Despertai! ya Setembro

Lerini Mateo 5:39. Buluka penepo longani kuti: “Kodi Yezu akhafuna kulonga kuti tisafunika kumatama tingacitwa pyakuipa? [Dikhirani ntawiro.] Nsolo uyu usapangiza pinalonga Bhibhlya thangwi ya kutsidzikizika tekhene na kusaka citsidzikizo ca matongero a dziko.” Pangizani nsolo unatoma pa tsamba 10.

Sentinela 1.° de Outubro

“Kuzungulira dziko yonsene, anthu a mauphemberi akusiyana-siyana asacita phembero. Kodi musanyerezera kuti Mulungu asabva na asatawira maphembero anewa? [Dikhirani ntawiro.] Bhibhlya isatiwangisa towera kuphembera. [Lerini Afilipi 4:6, 7.] Revista iyi isapereka ntawiro wakubuluswa m’Bhibhlya ku mibvunzo minomwe yakuti kazinji kene isacitwa thangwi ya kuphembera.”

Despertai! ya Outubro

“Kazinji kene tisabva pya anthu akusandukirwa na nyakumanga banja nzace, na anyandale pontho na anango. Musanyerezera kuti kusakhala kwakunensa kakamwe kugumana anthu akunyindirika? [Dikhirani ntawiro.] Azinji asanyerezera kuti lemba iyi isakwanirisika. [Lerini 2 Timoti 3:1-5.] Revista iyi isafokotoza kuti ndi kupi kusagumanika anthu akunyindirika.”