“Ndinakwata Bukhu Yako Ungakwatambo Yanga”

Mafala anewa ndi ntawiro wa anaciro nyumba anango. Nakuti ife nkhabe cinjisana mabukhu athu a pfundziro ya Bhibhlya na mabukhu a mauphemberi akuti ali na pipfundziso pyakudodomeka. Kodi tinakwanisa tani kutawira mwaluso? (Arom. 1:25) Tinakwanisa kulonga: “Takhuta na kundipasa kwanu. Kodi bukhu ineyi isalonganji thangwi yakumaliswa kwa nyatwa za anthu? [Dikhirani ntawiro. Khala iye akuphembani kuleri bukhu yace toera kugumana ntawiro, munakwanisa kumpanga kuti ine nkhabe kugawira bukhu mbandikhonda kulonga pyankati. Buluka penepo, lerini peno longani Mateo 6:9, 10.] Yezu alonga kuti Umambo wa Mulungu unadzacitisa cifuno ca Mulungu cicitike pantsi pano. Natenepa, ndisaleri basi ene mabukhu auphemberi anagomezera pya Umambo wa Mulungu. Ndinakwanisa kukupangizani m’Bhibhlya pinthu pingasi pyakuti Umambo wa Mulungu unadzapikwanirisa?”