Maperekero Aumboni

Toera Kugawira Micemerero Ya Cikumbuso

“Tikugawira ncemerero wa cakucitika cakufunika kakamwe. Pa ntsiku 14 ya Bwinja, pikwi na pikwi pya anthu pa dziko yonsene anadzagumanyikana toera kukumbukira kufa kwa Yezu Kristu na kubvesera nkhani yakukhonda lipa yakubuluswa m’Bhibhlya, inalonga kuti tinaphindula tani na kufa kwace. Ncemerero uyu usapangiza mbuto na ndzidzi unafuna kucitwa nsonkhano unoyu mu cisa cathu.”

Ncenjezi 1 ya Bwinja

“Tikucedza na anthu toera kulonga cinthu cakuti anthu onsene asacicita. Tisaona kuti anthu onsene mwakukhonda tsalakana mbuto inakhala iwo, asacita phembero. Musanyerezera kuti maphembero asabviwa na Mulungu, peno musaona kuti asatiphedza kuthimbana na nyatwa zathu? [Dikhirani ntawiro.] Onani pinalonga Bhibhlya thangwi ya phembero. [Lerini 1 Jwau 5:14.] Revista iyi isafokotoza kuti phembero isatiphedza tani.”

Despertai! de Abril

“Tikucedza na anthu thangwi ya nyatwa inaoneka konsene kwene. Anthu anango asanentseka kakamwe na makhaliro a umaso wawo, pyenepi pisaacitisa kunyerezera kupheka. Khala munthu akunentseka kakamwe, musanyerezera kuti iye asafuna kuti afe pyace, peno abuluke mu nyatwa zace? [Dikhirani ntawiro.] Iyi ndi pikiro ya Bhibhlya yakuti isaphedza anthu azinji toera kupitiriza na maonero akulinganira. [Lerini Apokalipse 21:3, 4.] Revista iyi isafokotoza mathangwi matatu adidi anapangiza kuti mphyadidi munthu apitirize na umaso mwakukhonda tsalakana nyatwa zace.”