Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma Ya Murope

“Tikucedza na anthu mwacigwagwa thangwi ya cinthu cinafuna kucitwa pa ntsiku 14 ya Bwinja. Ineyi ndi ntsiku ya kukumbuka kufa kwa Yezu. Anango anadzakumbukira ntsiku ineyi thangwi asaona kuti kufa kwace ndi kwakufunika. Anango nee asadziwa mwadidi maphindu a kufa kwa Yezu. Musanyerezera kuti kufa kwa Yezu kusaphindulisa imwe na ine?” Dikhirani ntawiro. Mpangizeni tsamba yakumalisa ya Ncenjezi 1 ya Murope, dingani pabodzi mphangwa zinagumanika pa mbvundzo wakutoma, pontho lerini lemba ibodzi mwa malemba anagumanika mu ndima ineyi. Perekani marevista, pontho citani masasanyiro akubwerera toera kudinga mbvundzo unatowerera.

Ncenjezi 1 ya Murope

“Anthu azinji asasaka kudziwa thangwi yanji Mulungu nkhabe kumalisa uipi na nyatwa pa dziko. Musanyerezera kuti ndi thangwi Mulungu nkhabe napyo basa, peno iye asakomerwa anthu angathabuka? [Dikhirani ntawiro. Buluka penepo lerini Jwau 3:16.] Maseze azinji asaphatisira mafala anewa toera kupangiza citsalakano ca Mulungu, iwo nkhabe dziwa kuti kufa kwa mwana wa Mulungu kusaaphedza tani. Revista iyi isafokotoza kuti kufa kwa Yezu kusaphedzera tani toera kumala kwa uipi na nyatwa pa dziko.”

Despertai! de Marco

Tikucedza mwacigwagwa na anthu toera kusasanyira maonero akuphonyeka ali na anthu azinji thangwi ya vesi iyi ya Bhibhlya. [Lerini Genesi 1:1.] Anango asakhulupira kuti kudzulu na pantsi kwacitwa, anango nkhabe. Ndi api maonero anu? [Dikhirani ntawiro.] Azinji nkhabe kwanisa kukhulupira kuti alipo adacita pinthu, thangwi atsogoleri a mauphemberi asapfundzisa pinthu pyakuti nee pisagumanika m’Bhibhlya. Revista iyi isapereka maonero akubveka na akutawirika a Bhibhlya a kutoma kwa kudzulu na pantsi.”