Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Murope

“Anthu azinji asacita maphwando akubalwa kwa Yezu, mbwenye musanyerezera kuti ndi pyakufunika kukumbuka kufa kwa Yezu?” Dikhirani ntawiro. Buluka penepo, pasani mwanaciro nyumba A Sentinela ya 1.° de Março, dingani pabodzi mphangwa zinagumanika pantsi pa nsolo ung’ono wakutoma pa tsamba 16, pontho lerini lemba ibodzi mwa malemba anagumanika mu ndima. Citani masasanyiro akubwerera toera kudinga mbvundzo unatowerera.

A Sentinela 1.° de Março

“Pasaoneka magereja mazinji na misoka yauphemberi yakuti iri na pikhulupiro na macitiro akusiyana-siyana. Musanyerezera kuti anthu onsene analonga kuti ndi Akristu iwo ndi Akristudi? [Dikhirani ntawiro.] Mwakubverana na Yezu, ici ndi cidzindikiro cibodzi ca Akristu andimomwene. [Lerini Jwau 13:34, 35.] Revista iyi isafokotoza maonero maxanu a Yezu akuti anatiphedza kudzindikira atowereri ace andimomwene.”

Despertai! de Março

“Tikucedza na anyakuendekana athu thangwi ya nsambo wakudzudzumisa kakamwe. Pisaoneka kuti anthu lero ndi aukali kakamwe na asacimbiza kuluza kupfulika kwawo. Thangwi yanji pyenepi pisacitika? [Dikhirani ntawiro.] Onani cinthu cinango cinalonga Bhibhlya thangwi ya ukali. [Lerini Masalmo 37:8.] Revista iyi isapangiza mathangwi mangasi akuthimizirika kwa ukali lero, isapangizambo njira toera kupitiriza kutonga ukali wathu.”