Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Malimwe

“Anthu ali m’mauphemberi akusiyana-siyana na asalambira Mulungu mu njira zakusiyana-siyana. Mulungu asaona tani pyenepi? [Dikhirani ntawiro.] Onani pidapfundzisa Yezu thangwi ya pyenepi.” Pangizani mwanaciro nyumba A Sentinela ya 1.° de Agosto, dingani pabodzi mphangwa zinagumanika pantsi pa nsolo ung’ono wakutoma pa tsamba 16, pontho lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

Sentinela 1.° de Agosto

“Anapiana asafunika kupfundziswa pya Mulungu mu uwana wawo, peno mphyadidi kudikhira mpaka angakula toera asankhule okhene uphemberi unafuna iwo? [Dikhirani ntawiro.] Onani pinalonga Bhibhlya pyakuti anyakubala asafunika kupicita. [Lerini Aefesi 6:4.] Revista iyi isapereka njira zingasi zakuti anyakubala anakwanisa kupfundzisa anawo pya Mulungu.”

Despertai! ya Agosto

“Ndisafuna kudziwa maonero anu thangwi ya vesi iyi. [Lerini 1 Samwele 16:21-23.] Mwakubverana na vesi iyi, nyimbo iri na mphambvu. Musaona kuti mphyakukwanisika nyimbo zinango kukhala zakukhonda thema peno zakuipa? [Dikhirani ntawiro.] Revista iyi isalonga kuti tinakwanisa tani kusankhula mwandzeru nyimbo zathu na tinakwanisa tani kuphedza anathu toera kucita pibodzi pyene.”