Mafala Akutoma a Khundu 4

Khundu ino tinapfundza thangwi ya pinthu pidacitikira Zuze, Yobe, Mose na Aizraeli. Onsene athabuswa kakamwe na mayesero a Dyabo. Anango a iwo acitirwa pinthu pyakuipa, aikhwa nkaidi, aphata mabasa ninga mabitcu, ngakhale kuphiwa. Mbwenye Yahova aatsidzikiza mu pinthu pyenepi pyonsene. Khala ndimwe nyakubala, phedzani mwananu toera kubvesesa kuti atumiki anewa a Yahova akwanisa tani kupirira mayesero mbakhonda kuluza cikhulupiro.

Pontho tinadzaona kuti Yahova aphatisira tani Miliri Khumi toera kupangiza kuti iye ndi wamphambvu kakamwe kupiringana alungu onsene a mu Ejitu. Pfundzisani mwananu kuti Yahova atsidzikiza tani atumiki ace akale, pontho asatsidzikizambo tani atumiki ace lero.