Mafala Akutoma a Khundu 11

Khundu ino tinapfundza mphangwa zinagumanika m’Malemba Acigerego Acikristu. Ife tinapfundza pinthu pizinji thangwi ya Yezu. Iye abalwa m’banja yakucepeseka yakuti ikhali mu nzinda ung’ono. Iye akhaphata basa na babace, wakuti akhali nyakupala matabwa. Yezu asankhulwa na Yahova toera kupulumusa anthu onsene na kukhala Mambo wa Umambo wa Mulungu. Khala ndimwe nyakubala, phedzani mwananu toera kuona kuti thangwi yanji Yahova asankhula banja yadidi toera kukuza Yezu. Kusiyapo pyenepi, m’phedzeni toera aone kuti Yahova atsidzikiza tani Yezu mu ndzidzi ukhafuna iye kuphiwa na Herodhi na kuona kuti nkhabepo cinthu cinafuna kupingiza Yahova kukwanirisa cifuniro cace. Tinaonambo kuti Yahova aphatisira tani Juwau toera kukhunganyira Yezu njira. Gomezerani kuti Yezu akhafuna kakamwe udziwisi wa Yahova maseze pikhali iye m’phale.