Mafala Akutoma a Khundu 13

Yezu abwera pa dziko yapantsi toera kupereka umaso wace kuna anthu akusowa ungwiro. Maseze afa, Yezu akunda dziko. Yahova akhala wakukhulupirika kuna Mwanace, mbamulamusa muli akufa. Pikhali Yezu pa dziko yapantsi, iye akhali wakucepeseka mbaphedza anthu, pontho aalekerera madodo awo. Pidamala iye kulamuswa muli akufa, Yezu aonekera kuna anyakupfundzace, mbaapanga kuti anacita tani basa yakufunika kakamwe. Khala ndimwe nyakubala, phedzani mwananu toera adziwe kuti ife tisafunikambo kucita basa ineyi.