Mafala Akutoma a Khundu 5

Pakupita miyezi miwiri kubulukira pidawambuka Aizraeli Bara Yakufira, iwo aenda Paphiri ya Sinai. Penepo Yahova acita cibverano na mbumba ya Izraeli toera ikhale dzindza yace yakupambulika. Iye aatsidzikiza mbaapasa pyonsene pikhafuna iwo, ninga mana toera kudya, nguwo zakuti nee mbizidasakala na mbuto yakutsidzikizika toera kukhala. Khala ndimwe nyakubala, phedzani mwananu toera kubvesesa kuti thangwi yanji Yahova apasa Aizraeli Mwambo, tabhernakulo na basa ya unyantsembe. Pangani mwananu kuti thangwi yanji tisafunika kucita pinalonga ife, kukhala akucepeseka na akukhulupirika kuna Yahova ndzidzi onsene.