KUTAWIRWA KWA MIBVUNDZO YA BHIBHLYA

Kodi Yezu Anadzacitanji Ntsogolo?

Mu caka 33 N.W., Yezu afa, alamuka muli akufa, mbaenda kudzulu. Mukupita kwa ndzidzi, Yezu apaswa utongi toera kutonga ninga Mambo. (Danyele 7:13, 14) Ntsogolo, Yezu anadzacita pinthu ninga Mambo toera kukhazikisa ntendere pa dziko yapantsi na kumalisa utcerengi.​—Lerini Masalmo 72:7, 8, 13.

Yezu anadzacita pinthu pyakudzumisa ninga Ntongi wa anthu. Iye anadzaphatisira mphambvu idapaswa iye na Babace toera kuphedza anthu kukhala pontho aungwiro. Iwo anadzakomerwa na umaso pa dziko yapantsi wakuti anthu nkhabe kudzakalamba nee kufa.​—Lerini Jwau 5:26-29; 1 Akorinto 15:25, 26.

Kodi Yezu Akucitanji Lero?

Lero, Yezu akutsogolera basa yakumwaza mphangwa pa dziko yonsene inacitwa na atowereri ace andimomwene. Iwo asacedza na anthu toera kuapangiza pinalonga Bhibhlya thangwi ya Umambo wa Mulungu. Yezu alonga kuti mbadapitiriza kuphedzera basa inacitwa na anyakupfundzace mpaka Umambo wa Mulungu ungadzamalisa mautongi a anthu.​—Lerini Mateo 24:14; 28:19, 20.

Mu kuphatisira mpingo Wacikristu, Yezu akutsogolera anthu toera kugumana njira yadidi yakuphatisira umaso. Iye anadzapitiriza kuatsogolera mpaka kumala kufudzwa kwa makhaliro ano akuipa mbapita mu dziko ipswa idapikira Mulungu.​—Lerini 2 Pedro 3:7, 13; Apokalipse 7:17.

Toera kudziwa pizinji, onani nsolo 8 wa bukhu iyi, Kodi Mwandimomwene Bhibhlya Isapfundzisanji?, yakubuluswa na Mboni za Yahova

Isagumanika mu site www.jw.org