KUTAWIRWA KWA MIBVUNDZO YA BHIBHLYA

Kodi Uipi Wabulukira Kupi?

Mwacibaliro, anthu asafuna kukhala antendere, akuona ntima na adidi. Mphapo, thangwi yanji kazinji kene tisaona uphanga, kusowa ulungami na usumankha? Mphangwa zakugopswa zisabveka konsene kwene. Pana munthu unango asayesera kucitisa anthu pyakuipa?​—Lerini 1 Jwau 5:19.

Kodi Mulungu acita anthu na cipendamiro cakucita pyakuipa? Nkhabe, Yahova Mulungu acita anthu mwakulandana na iye, pontho na cipendamiro cakutowezera ufuni Wace. (Genesi 1:27; Yobe 34:10) Mulungu apasambo anthu mwai wakusankhula. Mudasankhula anyakubala athu akutoma kucita pinthu pyakuipa, iwo akhonda citsandzo ca Mulungu mbakhala akusowa ungwiro. Ife tiri na cipendamiro cakucita madawo kubulukira kwa iwo.​—Lerini Deuteronomyo 32:4, 5.

Kodi Tinadzapitiriza Na Uipi?

Mulungu asafuna kuti ticalire cipendamiro cathu cakucita pyakuipa. (Misangani 27:11) Natenepa iye asatipfundzisa kuti tinacalira tani kucita pyakuipa na tinagumana tani kutsandzaya kwandimomwene. Mbwenye cincino, ife nkhabe kwanisa kutowezera mwakukwana ufuni wa Mulungu.​—Lerini Masalmo 32:8.

Ngakhale kuti uipi wanjipa lero, Mulungu asaulekerera mu ndzidzi wakucepa toera anthu onsene aone pyakutsukwalisa pya uipi unoyu. (2 Pedro 3:7-9) Natenepa, mwakukhonda dembuka, dziko yapantsi inadzadzala na anthu akutsandzaya anabvera Mulungu.​—Lerini Masalmo 37:9-10.

Toera kudziwa pizinji, onani nsolo 3 wa bukhu iyi, yakubuluswa na Mboni za Yahova

Isagumanikambo mu www.jw.org/seh