KUTAWIRWA KWA MIBVUNDZO YA BHIBHLYA

Kodi Umaso Wa Anthu Unadzakhala Tani Ntsogolo?

Mwakukhonda penula, anthu anadzapitiriza kuthambaruka mu siyensiya. Kodi mwa iwo okha, anadzakwanisa kukhazikisa mbumba yakuti inadzatsalakanana unango na ndzace? Nkhabe. Lero, dziko yadzala na kucenama na umbirimi. Mbwenye Mulungu asafuna kucita pinthu pyadidi kuna anthu ace.​—Lerini 2 Pedro 3:13.

Mafala a Mulungu asalonga kuti ntsogolo anthu pa dziko yonsene yapantsi anadzafunana unango na ndzace. Iwo anadzakhala mwakutsidzikizika, pontho nee panadzaonekabve munthu wakuadzudzumisa.​—Lerini Mikeya 4:3, 4.

Kodi Kucenama Tunadzamaliswa Tani?

Pakutoma, Mulungu nee acita anthu na cipendamiro cakucenama. Mbwenye mukusankhula kukhonda bvera Mulungu, anthu akutoma aluza ungwiro wawo. Natenepa, ife tiri na cipendamiro cakucenama kubulukira kwa iwo. Mbwenye, Mulungu anadzaphatisira Yezu toera kucitisa anthu kukhala pontho aungwiro.​—Lerini Aroma 7:21, 24, 25.

Mwakubverana na cifuno ca Mulungu, Yezu afa ninga ntsembe na kumalisa nkandzo udabweresa mamuna wakukhonda bvera wakutoma. (Aroma 5:19) Natenepa, Yezu acitisa kuti ikwanisike tsogolo yadidi yakuti anthu nee anadzakhala na cipendamiro cakucenama toera kucita pyakuipa.​—Lerini Masalmo 37:9-11.

Toera kudziwa pizinji, onani nsolo 5 wa bukhu iyi, yakubuluswa na Mboni za Yahova.

Isagumanikambo mu www.jw.org/seh