Pyakulonga Pa Kugawira Marevista

A Sentinela 15 de Junho

“Kodi imwe musadziwa kuti anthu azinji lero asasankhula makhaliro awo ene a pinthu pyadidi na pyakuipa? [Dikhirani ntawiro.] M’Biblya muna citsanzo ca citsogolero ca midzidzi yonsene. [Lerini lemba inagumanika pa bokosi iri pa tsamba 6-7.] Revista iyi isafokotoza kuti tinaphindula tani mukutowerera mwapaduzi makhaliro a midida yadidi ya Biblya.”

Despertai! Junho

“Ife tonsene tisafuna kobiri towera kuphedzeka nayo. Kodi imwe musanyerezera kuti mphyakukwanisika kwa munthu kukhala wakudzudzumika kakamwe na kusaka kobiri? [Dikhirani ntawiro.] Onani pinalonga lemba iyi ninga pyakubwereswa pya kusaka mpfuma. [Lerini 1 Timoti 6:10.] Revista iyi isapereka maonero mangasi akuphata basa akuti anakwanisa tani munthu kukhala na umaso okhonda funa pizinji mbakhala na kobiri pang’ono basi.”

A Sentinela 1.° de Julho

“Kodi mwatoma kubvunzika kuti thangwi yanji anthu asabvuyiwa thangwi ya kusiyana kwa ntundu wa khanda peno dziko yakubalwa peno thangwi ya kulonga cilongero cinango? [Dikhirani ntawiro.] Onani pano thangwi inacitisa kuti pyenepi picitike. [Lerini 1 Jwau 4:20.] Revista iyi isatawira mbvunzo uyu: Kodi pinakwanisika kuti madzinza akhale akubverana?”

Despertai! Julho

“Mwakusiyana na pinyama pyakuti pisacita pinthu mwaluso yacibaliro, anthu ali na luso yakusankhula makhaliro anafuna kukhala na iwo mu umaso. Kodi imwe musanyerezera kuti tinagumana kupi citsogolero cakunyindirika? [Dikhirani ntawiro. Buluka penepo lerini Masalmo 119:105.] Revista iyi isafokotoza ukulu wa citsogolero cinagumanika m’Biblya.”