Pyakulonga Pa Kugawira Marevista

A Sentinela 15 de Agosto

“Ndisafuna kudziwa maonero anu a pinalonga lemba iyi. [Lerini Ahebere 3:4.] Kodi imwe musakhulupira kuti alipo Nciti waluso adacita kudzulu na pantsi? [Dikhirani ntawiro.] Revista iyi isapangiza khala kukhulupira Nciti kusabverana na siyensiya yandimomwene.”

Despertai! ya Agosto

Mungagumana aphale na atsikana, mungakwanise kulonga: “Azinji a thunga yanu athabuka na tsweda yakuipa kakamwe. Kodi pyenepi pyacitikambo kwa imwe? [Dikhirani ntawiro.] Biblya isapereka uphungu wadidi wakuti ungakwanise kutiphedza mu nzidzi unalongwa ife tsweda. Pontho isapangiza kuti tinakwanisa tani kuthaukira tsweda yakudzidzida mabvero athu.” Gomezerani nsolo unatoma pa tsamba 12, na lerini ibodzi mwa malemba anagumanika mu nsolo unoyu.

A Sentinela 1.° de Setembro

“Azinji asadziwa kuti “Unthaka Wa Kale” usapereka mphangwa zakuphindulisa za pyakucitika pyakale. Mbwenye iwo asabvunzika khalapitsogolero pyawo pikupitiriza kukhala pyakufunika mu nzidzi uno. Kodi imwe musaonambo tani? [Dikhirani ntawiro. Buluka penepo Lerini Aroma 15:4.] Revista iyi isapangiza kuti “Unthaka Wa Kale” usapereka tani uphungu wakuphindulisa mu umaso wa ntsiku na ntsiku na cidikhiro candimomwene ca ntsogolo.”

Despertai! ya Setembro

“Kodi imwe musanyerezera kuti pidengwa pyacibaliro ndi mabasa a Mulungu? [Dikhirani ntawiro. Buluka penepo lerini Deuteronomyo 32:4.] Revista iyi isapangiza kuti thangwi yanji Mulungu asatawirisa pidengwa pyacibaliro kucitika. Pontho isafokotoza kuti munakwanisa tani kutsidzikiza banja yanu.”