Bokosi Ya Mabvunzo

◼ Kodi ndi pyakuthema kulemba e-mail yathu ene m’mabukhu anagawira ife?

Mu kuphatisira kola peno kudinda, amwazi mphangwa anango alemba e-mail yawo pa marevista peno pimatsamba pinagawira iwo kwa anango. Buluka penepo, ale anatawira mabukhu angakwanise kupita n’cibverano na m’mwazi mphangwa towera kuphemba mphangwa zakuthimizirika. Kuwangisira kweneku towera kuphedza anthu akufuna kuli na cifuno cadidi. Mbwenye, Mbuto zathu zakudziwika za interneti zisagumanika kunkhomo kwa marevista na pimatsamba. Natenepa, si pyakufunika tayu kulemba e-mail yathu ene m’mabukhu.

Khala m’mwazi mphangwa asafuna kupasa anthu mu cisa mphangwa za kupita cibverano pa phindi ya tsamba, makamaka pakucita maulendo akubwereza, ceneci ndi cisankhulo ca munthu ekha. Ife tisafunika kucita ulendo wakubwereza kwa anthu ale adapangiza cifuno, tayu kudikhira kuti iwo atisake towera adziwe mphangwa zakuthimizirika. Cifuno candimomwene cingakwaniswe kupangizwa kakamwe tingalonga na munthu nkhope na nkhope.