Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Mainza

“Ndisanyindira kuti munatawira kuti munthu onsene asafuna axamwali. Ndi n’khaliro upi unapasa imwe ntengo kwa xamwali wanu? [Dikhirani ntawiro.] Onani ninji pinalongwa apa kuti thangwi yanji tisafunika kusankhula mwadidi axamwali athu.” Pasani mwanaciro nyumba A Sentinela ya 1.° de Dezembro, lerini, pontho dingani pabodzi mphangwa zinagumanika pa nsolo ung’ono wakutoma pa tsamba 16. Lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

Sentinela de 1.° de Dezembro

“Mwatoma kale kudzudzumika thangwi yanji ntsiku zino kusaoneka pidengwa pizinji pyacibaliro? [Dikhirani ntawiro.] Mwakutsandzayisa, Bhibhlya yalonga kale pya ndzidzi wakuti mbukudaoneka pidengwa pyacibaliro. [Lerini Mateo 24:7, 8.] Revista iyi isatawira mibvundzo iyi: Thangwi yanji lero tisaona pidengwa pizinji pyacibaliro? Pidengwa pyenepi ndi mitcinyuso yakubuluka kwa Mulungu? Ndi mathangwi api alipo toera kukhulupira kuti Mulungu mwakukhonda dembuka anadzamalisa pidengwa pyonsene pyacibaliro.”

Despertai! Dezembro

Lerini 2 Timoti 3:16. Buluka penepo longani: “Anango asatawira kuti Bhibhlya yapumirwa na Mulungu, mbwenye anango nkhabe kutawira. Musanyerezera tani? [Dikhirani ntawiro.] Maseze maonero asasiyana thangwi ya mbvundzo unoyu, ndi pyakutawirika kuti nkhabe bukhu inango yakuti anthu azinji awangisira kakamwe toera kuifudza. Revista iyi isafokotoza kuwangisira kunango kudacitwa toera kufudza Bhibhlya na kukhondeswa kuileri kudacitwa kubulukira mu pyaka madzana. Isafokotozambo thangwi yanji nee yafudzwa.”