Musafunika Kukotoka?

Pakumwaza mphangwa, amwazi mphangwa anango adzolowera kukotoka pa ndzidzi ubodzi ene, panango camasikati. Mwandimomwene, makhaliro a amwazi mphangwa anango asaacitisa kukotoka m’basa yawo ya m’munda pa ndzidzi ubodzi ene. Kodi musakotoka m’basa ya m’munda basi ene thangwi anango mu nsoka akukotoka peno thangwi ndi nsambo mu cisa canu kukotoka pa ndzidzi ubodzi ene? Munakwanisa kupitiriza mu utumiki m’mphindi zingasi mbamupereka umboni wapakweca, ninga kupereka umboni mu nseu? Munakwanisa kucita ulendo wakubwereza ubodzi peno mawiri pa kuenda kunyumba? Nyerezerani maphindu anafuna khala na imwe mungagumana pontho panyumba munthu adapangiza cifuno, peno mungagawira marevista kwa munthu anapita na njira! Tingakhonda kukotoka mwakucimbiza, mbitipitiriza m’mphindi zingasi ndi njira yakuthimizira ‘ntsembe yathu ya kusimba.’​—Aheb. 13:15.