Gomezerani Kutomesa Mapfundziro a Bhibhlya pa Sabudu Yakutoma

Kutomera mu nthanda ya Gonkho ya 2011, amwazi mphangwa awangiswa toera kuyesera kutomesa mapfundziro a Bhibhlya pa Sabudu yakutoma ya nthanda zonsene. Toera kutiphedza kucita pyenepi, misolo yakuti “Perguntas Bíblicas Respondidas” isabuluswa ndzidzi onsene mu A Sentinela ya anthu onsene. Natenepa, nsonkhano wa basa ya m’munda unacitwa pa Sabudu yakutoma usafunika kugomezera kuti misolo ineyi inaphatisirwa tani toera kutomesa mapfundziro a Bhibhlya, pontho usafunika kuphataniza citsandzo.

Akulu a mpingo anakwanisa kusankhula kuti nsoka ubodzi na ubodzi wa basa ya m’munda ugumanyikane paokha pa Sabudu yakutoma, peno iwo anakwanisa kusankhula kuti misoka igumanyikane pabodzi, panango pa Nyumba ya Umambo. Khala mipingo mizinji isaphatisira Nyumba ya Umambo ibodzi ene, nee mpingo ubodzi usafunika kucinja ntsiku ineyi yakupambulika yakutomesa mapfundziro a Bhibhlya toera kukhala na nsonkhano ubodzi ene wa basa ya m’munda.