Mphangwa za Umambo wa Mulungu N.° 38 toera Kugawira mu Nthanda ya Bingu!

1. Ndi mibvundzo ipi yakuti anthu azinji asaicita thangwi ya anyakufa, na inadzatawirwa tani mu nthanda ya Bingu?

¹ Kufa ndi nyamalwa wa anthu onsene, mwakukhonda tsalakana pikhulupiro pyawo. (1 Akor. 15:26) Azinji asabvundzika kuti anyakufa ali kupi peno khala anadzaaona pontho. Natenepa, kuzungulira dziko yonsene yapantsi mipingo inadzacita khundu mu kugawira Mphangwa za Umambo wa Mulungu N.° 38 mu nthanda yonsene, ya nsolo wakuti Anyakufa Anakwanisadi Khala Pontho Maso? Kampanya ineyi yakupambulika inadzatoma pa ntsiku 1 ya Bingu. Pakumala kugawira kweneku, Mphangwa za Umambo wa Mulungu N.° 38 zinadzaphatisirwa mu utumiki ninga tratado.

2. Kodi Mphangwa za Umambo wa Mulungu N.° 38 yakhala tani?

² Yakhala Tani: Mphangwa za Umambo wa Mulungu N.° 38 yacitwa toera kufunywa kuti kutsogolo kupangize nsolo wakufunika pabodzi na mafala “Mbamudatawira kuti . . . inde? nkhabe? panango?” Nyakuleri angafungula Mphangwa za Umambo wa Mulungu, iye anadzaona kuti Bhibhlya isatawira tani mbvundzo wa nsolo unoyu, pontho pikiro ya Bhibhlya isabvekanji kwa iye. Iye anadzaonambo mathangwi akuti anakwanisa kukhulupira Bhibhlya. Tsamba yakumalisa ya Mphangwa za Umambo wa Mulungu iri na mbvundzo wakufunika kakamwe wakuti iye anakwanisa kuunyerezera na kuncitisa kufuna kupfundza pizinji.

3. Kodi tratado Mphangwa za Umambo wa Mulungu N.° 38 inadzagawirwa tani?

³ Inadzagawirwa Tani: Kampanya ineyi inadzakhala yakulandana na kampanya yakugawira micemerero ya cikumbuso na ya nsonkhano wa gawo. Akulu a mpingo anadzapereka citsogolero cakuti cisa consene ca mpingo cinaphatwa tani basa, mwakubverana na tsamba idatambira iwo ya 1.° de Abril de 2013. Mipingo yakuti iri na pisa pyakucepa inakwanisa kuperekeka toera kuphedza mipingo ya cifupi yakuti iri na pisa pizinji. Mungafuna kukwata tratado Mphangwa za Umambo wa Mulungu N.° 38, kumbukani kuti musafunika kukwata ntsama yakuti munakwanisa kuiphatisira pasumana ibodzi na ibodzi. Mu ndzidzi wa kampanya, makopya asafunika kugawirwa mu kucita umboni wapakweca pakumala kucita umboni wa nyumba na nyumba mu pisa pyonsene. Khala makopya onsene amala nthanda mbidzati kumala, munakwanisa kugawira mabukhu pa nthanda ineyi. Mu Sabudu yakutoma, tinadzacita khundu mu kampanya yakupambulika m’mbuto mwa kutomesa mapfundziro a Bhibhlya. Kumala kwa sumana, tisafunikambo kugawira marevista pingakhala pyakukwanisika. Kodi mukucita masasanyiro toera kucita khundu mwakukwana mu kampanya ineyi yakupambulika?