Kampanya Yakudziwisa Cikumbuso Inatoma Pa Ntsiku 1 Ya Murope
1. Kodi tinadzatoma lini kampanya yakudziwisa Cikumbuso, mphapo thangwi yanji caka cino ntsiku zathimizirwa?
1 N’Cixanu ntsiku 1 ya Murope, tinadzatoma kampanya yathu yakucemera anango toera kugumanika pa Cikumbuso pabodzi na ife. Cikumbuso cinadzacitwa pa ntsiku 26 ya Murope, pyenepi pisabveka kuti ntsiku zakugawira micemerero zinadzakhala zizinji kupiringana mu pyaka pya nduli. Pyenepi pinadzacitisa kuti anthu azinji atambire ncemerero, makamaka khala mpingo uli na pisa pizinji.
2. Ndi masasanyiro api a kukwata micemerero toera kuigawira mu cisa?
2 Kukhunganyika: Akulu a mpingo anadzapereka citsogolero cakuti munakwanisa tani kuphata basa cisa consene, kuphatanizambo kusiya micemerero panyumba zakuti nkhabe anthu. Tingamala kugawira micemerero nyumba na nyumba mu cisa consene, micemerero ingasala tinakwanisa kuigawira pakupereka umboni wapakweca. Muyang’aniri wa basa ya m’munda anadzacita masanyiro toera micemerero yakulembwa iikhwe pa mbuto inakoyerwa mabukhu peno marevista toera amwazi mphangwa akwanise kuiphatisira, mbwenye micemerero nee inadzaikhwa yonsene pa ndzidzi ubodzi ene, inango inadzaikhwa ingafunika. Tisafunika kukwata micemerero yakuti tinakwanisa kuiphatisira pa sumana ibodzi na ibodzi.
3. Tisafunika kunyerezeranji pakugawira micemerero?
3 Tinadzalonganji? Mphyadidi kulonga mwacigwagwa, thangwi pyenepi pinadzaticitisa kulonga na anthu azinji. Pa tsamba 6 pana maonero akuti tinakwanisa kuacinja mwakubverana na cisa cathu. Mwandimomwene, nee tisafunika kubuluka mwakucimbiza khala mwanaciro nyumba ndi wauxamwali peno ali na mibvundzo. Pakugawira ncemerero pakumala kwa sumana, tisafunikambo kugawira marevista khala ndi kwakuthema. Pa ntsiku 2 ya Murope, tinadzagawira micemerero, mbuto mwa kutomesa mapfundziro a Bhibhlya.
4. Thangwi yanji tisafunika kucita khundu mwaphinga mu kampanya?
4 Tisadikhira kuti anthu azinji anadzagumanika pabodzi na ife pa Cikumbuso. Nkhani inadzafokotoza kuti mwandimomwene Yezu mbani. (1 Akor. 11:26) Inadzapangiza kuti kufa kwace kusatiphedza tani. (Arom. 6:23) Pontho inadzagomezera thangwi yanji ndi kwakufunika kunkumbukira. (Jwau 17:3) Tendeni ticite khundu mwaphinga mu kampanya ineyi!