Kampanya Yakugawira Micemerero Ya Cikumbuso Inatoma Pa Ntsiku 22 Ya Murope

Caka cino, kampanya yakucemera anango toera agumanike pa Cikumbuso inadzatoma n’Sabudu, ntsiku 22 ya Murope. Tonsene tisawangiswa toera kucita khundu mwakukwana. Pakumala kwa sumana, tinadzagawirambo marevista mapswa khala mphyakuthema. Pa Sabudu yakutoma ya Bwinja, tinadzawangisira kugawira micemerero, mbuto mwa kutomesa mapfundziro a Bhibhlya. Mbwenye tingagumana munthu adapangiza cifuno cikulu, tinakwanisa kuyesera kutomesa pfundziro ya Bhibhlya. Muyang’aniri wa basa ya m’munda anadzaona khala kugawira micemerero pakupereka umboni m’mbuto zapakweca kunadzaphedza mpingo toera kulonga na anthu azinji mu cisa. Lembani cincino madzina a acibale anu, andzanu akubasa, akuxikola, ale anacitira imwe maulendo akubwereza, na anango anafuna imwe kucemera, mbamuagawira ncemerero kampanya ingatoma. Tisadikhira kuti azinji anadzakhala na ife munakumbukira ife pipangizo piwiri pikulu pya ufuni.​—Jwau 3:16; 15:13.