Cemerani Anthu Onsene a n’Cisa Canu Toera Agumanike Pa Cikumbuso!

Mu kampanya inafuna kutoma mu ntsiku 27 ya Madzalo, tisafunika kuwangisira toera kucemera anthu azinji kakamwe a n’cisa cathu toera agumanike pabodzi na ife pa Cikumbuso ca kufa kwa Kristu. Tisafunika kuonesesa cifuno cinapangiza anthu toera kucikulisa.

MATHANYO ANAFUNIKA IMWE KUCITA

LONGANI MAFALANU AKUTOMA

“Tikugawira ncemerero uyu wa cakucitika cakufunika kakamwe. Mu ntsiku 23 ya Murope, anthu azinji kakamwe pa dziko yonsene anadzagumanyikana toera kukumbuka kufa kwa Yezu Kristu na kubvesera nkhani yakukhonda lipa yakubuluswa m’Bhibhlya inalonga kuti kufa kwace kusatiphindulisa tani. Ncemerero uyu usapangiza ndzidzi na mbuto inafuna kucitwa nsonkhano unoyu mu cisa cathu. Ndaphata miyendo mungakwanisa bwerani.”

Khala munthu apangiza cifuno. . .

• MPASENI NCENJEZI

  Citani masasanyiro a ulendo wakubwereza.

• PANGIZANI VIDYU YA CIKUMBUSO

  Citani masasanyiro a ulendo wakubwereza.

Mungabwerera . . .

• PANGIZANI VIDYU THANGWI YANJI TISAFUNIKA KUPFUNDZA BHIBHLYA?

  Buluka penepo mpaseni bukhu inaphatisirwa pakupfundza Bhibhlya.

• MPASENI KODI MWANDIMOMWENE BHIBHLYA ISAPFUNDZISANJI?

  Longani mphangwa zakuthimizirika thangwi ya Cikumbuso mukuphatisira tsamba 206-208. Buluka penepo mpaseni bukhu.

• MPASENI BRUXURA BVERANI MULUNGU

  Longani kuti kufa kwa Yezu kusabvekanji mukuphatisira tsamba 18-19. Buluka penepo mpaseni bruxura.