Pangizani Makhaliro Adidi Pakumwaza Mphangwa Nyumba na Nyumba

Anthu a dziko asaona Akristu ‘ninga anyakulonga pithankano,’ peno tilonge kuti iwo asaona pyonsene pinacita ife. (1 Akor. 4:9) Ndi thangwi yace, si pyakudzumisa tayu kwa ife anaciro nyumba anango angatisuzumira na pa janela peno angakhonda fungula nsuwo mbatibvesera na n’nyumba. M’mbuto zinango, nyumba zisakhala na makamera akuona pinacitika, mikrofoni inacitisa mwanaciro nyumba kutiona, kutibvesera na kugravari pinacitika. Mbwenye, pana njira zingasi zakuti zinatiphedza kupangiza makhaliro adidi tingafika panyumba ya munthu.—2 Akor. 6:3.

MAKHALIRO ANU (Afil. 1:27):

• Toera kupangiza cilemedzo kwa mwanaciro nyumba, lekani kusuzumira n’nyumba, lekani kudya, kumwa, kumenya ntokodzi, peno kutumiza mphangwa mu ndzidzi unadikhira imwe mwanaciro nyumba kuti abuluke

MAFALA ANU (Aef. 4:29):

• Mu ndzidzi unadikhira imwe kuti mwanaciro nyumba abuluke, lekani longa mafala akuti angaabva anaipirwa nawo. M’mbuto mwakucedza pinango, amwazi mphangwa anango asaona kukhala pyadidi kunyerezera pinafuna iwo kulonga mwanaciro nyumba angabuluka

Ndi api makhaliro anango adidi akuti tisafunika kuapangiza tingafika pa nyumba ya munthu?