Kuthimizira Maluso Athu Mu Utumiki​—Kucita Ulendo Wakubwereza

THANGWI YANJI MPHYAKUFUNIKA: Anthu onsene anafuna kubva mphangwa za Umambo asapangiza kuti asasaka undimomwene wa Mulungu. (Iza. 55:6) Ife nee tisafunika kuthamanga pakupfundzisa anthu undimomwene. Na thangwi ineyi tisafunika kucita maulendo akubwereza. Anthu asathimbana na nyatwa zizinji, natenepa, tisafunika kuapfundzisa mwakubverana na makhaliro awo. Toera tikwanise pyenepi, tisafunika kukhunganyika mwadidi, pontho kukhala na cifuno cakuphedza mwanaciro nyumba na pakumalisira kutomesa pfundziro ya Bhibhlya.

TINACITA TANI PYENEPI:

• Wangisirani toera mubwerere pontho nkati mwa ntsiku zakucepa.​—Mat. 13:19

• Khalani wauxamwali na wacilemedzo. Longani mwakukhurudzika

• Tomani na kumwanyika mwanaciro nyumba mwakutsandzaya mbamuphatisira dzina yace. Longani kuti thangwi yanji mwabwerera pontho​—panango toera kutawira mbvundzo, kubweresa revista ipswa, kupangiza vidyu, website yathu, peno kupangiza kuti tisacitisa tani pfundziro ya Bhibhlya. Khalani wakukhunganyika toera kucinja makani anu mwanaciro nyumba angafuna kudziwa ntsonga inango.​—Afil. 2:4

• Thirirani mbeu ya undimomwene idabzwala imwe muntima wa mwanaciro nyumba mukuleri naye Lemba peno kumpasa bukhu. (1 Akor. 3:6) Wangisirani toera kucita naye uxamwali

• Siyani mbvundzo toera kuutawira paulendo unango