3. Thangwi Yanji Anthu Adidi Asathabuka?

Thangwi Yanji Mphyakufunika Kudziwa Ntawiro

Mphyakutsukwalisa kakamwe kwa ife kuona anthu adidi mbakathabuka. Anango asanyerezera kuti nee tisafunika kukhala munthu wadidi thangwi munjira zonsene munthu anathabuka.

Nyerezerani Ipi

Anthu anango asakhulupira kuti anthu angafa asabalwa pontho ku mbuto inango. Iwo asalonga kuti ale adacita pinthu pyadidi angafa asabalwa pontho mbakhala na umaso wadidi kakamwe, mbwenye ale adacita pinthu pyakuipa angabalwa pontho asatamba nyatwa zizinji. Mwakubverana na manyerezero anewa munthu wadidi anathabuka khala “kale” acita pinthu pyakuipa. Natenepa . . .

• Khala munthu adabalwa pontho nee asakumbukabve pinthu pyakuipa pidacita iye kale, thangwi yanji asafunika kuthabuka pontho?

• Khala umaso wathu usakhuiwa na pinthu pidacita ife kale, thangwi yanji tisawangisira toera kukhala na ungumi wadidi na kucalira pidengwa?

  DZIWANI PIZINJI

  Onani vidhyu yakuti Porque É Que Deus Permite o Sofrimento? mu jw.org.

Bhibhlya Isalonganji

kuthabuka nee pisabveka kutcunyuswa na Mulungu.

Nyatwa zizinji zisacitika mwakukhonda dikhira thangwi kazinji kene munthu asagumanika pa mbuto yakuipa mu ndzidzi wakuipa.

nkhondo si ale ana mphambvu ikulu tayu, anyaluso nkhabe gumana pyakudya tayu, anyandzeru nkhabe mpfuma tayu, na anyakudziwa nkhabe citirwa ntsisi; thangwi n’dzidzi na pinthu pyakukhonda kudikhirwa pisagwera onsene.’—KOELETE 9:11.

Madawo athu asatibwereserambo nyatwa.

Kazinji kene anthu asaphatisira fala yakuti “madawo” toera kulonga pinthu pyakuipa pidacita munthu. Mbwenye Bhibhlya isaphatisirambo fala ibodzi ene toera kulonga makhaliro adabalwa na anthu onsene, anthu adidi na akuipa.

‘Ndine nyakudawa kutomera mu ndzidzi udamita mai wanga mimba yanga.’—MASALMO 51:5.

Madawo akhuya anthu onsene.

Madawo nee afudza basi ene uxamwali wathu na Nciti wathu, mbwenye aticitisambo toera tikhonde kubverana na pyakucitwa pinango pya Mulungu. Pyenepi pyabweresa nyatwa kuna anthu onsene.

“Ndingafuna kucita cinthu cadidi, ndisaona muna ine cifuno cakucita pinthu pyakuipa.”—AROMA 7:21.

“Pinthu pyonsene pidacitwa pisapitiriza kubulira pabodzi pene.”—AROMA 8:22.