Tinaphatisira Tani Formularyu Yakuti Queira Visitar (S-43)

Formularyu ineyi isafunika kuphatisirwa mungagumana munthu adapangiza cifuno wakuti nee asakhala mu cisa canu peno analonga cilongero cakunja. Maseze kalene tikhaphatisira formularyu ineyi mukhagumana ife munthu analonga cilongero cakunja, ngakhale apangiza cifuno peno nkhabe. Cincino tinaphatisira formularyu ineyi basi ene tingagumana munthu anapangiza cifuno. Kusiyapo kwa munthu wakuti nkhabe kubva. Tingagumana munthu wakuti nkhabe kubva, mwakukhonda tsalakana khala apangiza cifuno peno nkhabe, tisafunika kuphatisira formularyu S-43.

Tinacitanji tingamala kulemba mphangwa zonsene zinaphembwa pa formularyu? Tisafunika kupasa mulembi wa mpingo. Khala mulembi wa mpingo asadziwa mpingo unafunika kutumizwa formularyo ineyi, iye asafunika basi ene kutumiza formularyu ineyi kwa akulu a mpingo unoyu, kuti iwo acite masasanyiro toera kuphedza munthu unoyu adapangiza cifuno. Khala nkhabe kudziwa mpingo, mulembi asafunika kutumiza formularyu ku ofesi ya filiali.

Khala munthu adapangiza cifuno asalonga cilongero cakunja na asakhala mu cisa canu, imwe munakwanisa kupitiriza kucedza naye toera kukulisa cifuno cace mpaka angagumanika m’mwazi mphangwa wa mpingo unalonga cilongero ceneci cakunja.—Onani Nosso Ministério do Reino de Novembro de 2009, tsamba 4.