Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Thongwe

“Tisafuna kudziwa maonero anu. Kodi musanyerezera kuti ndi ipi dzina ya Mulungu? [Dikhirani ntawiro.] Onani pinaleri ife apa.” Pasani mwanaciro nyumba A Sentinela ya 1.° de Janeiro, pangizani nsolo unagumanika pa tsamba yakumalisa, pontho dingani pabodzi mphangwa zinagumanika pantsi pa nsolo ung’ono wakutoma, na lerini lemba ibodzi mwa malemba anagumanika mu ndima. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela de 1.° de Janeiro

“Anthu azinji asalonga pya kumala kwa dziko. Musanyerezera kuti kumala kwa dziko ndi cinthu cakuti tisafunika kucigopa? [Dikhirani ntawiro.] Mwakubverana na pinalongwa apa, alipo anafuna kudzapulumuka. [Lerini 1 Jwau 2:17.] Revista iyi isapereka ntawiro wa m’Bhibhlya ku mibvundzo minai yakuti anthu asaicita kazinji kene thangwi yakumala kwa dziko.”

Despertai! de Janeiro

“Lero tikucedza na mabanja toera kulonga pya mphangwa zakuphedza kakamwe. Musaona kuti ndi pyakufunika kwa mabanja kuphatisira mafala awa a Yezu? [Lerini Machitiro 20:35b. Buluka penepo dikhirani ntawiro.] Kupfundzisa anapiana toera kukhala na ntima wakupasa pisakhala pyakunentsa mu dziko ino yakuti anthu azinji asanyerezera pya umaso wawo basi. Nsolo uyu usapangiza njira zingasi zakuphata basa kwa anyakubala toera kukuza anapiana awo kuti akwanise kutsalakana anthu anango.”