Njira Za Maperekero Aumboni

Toera Kutomesa Mapfundziro a Bhibhlya pa Sabudu Yakutoma mu Nthanda ya Madzalo

“Anthu azinji asaona kuti Dyabo ndiye anacitisa pinthu pyakuipa pa dziko yapantsi. Mbwenye iwo asasaka kudziwa: ‘Kodi Dyabo abuluka kupi? Kodi ndi Mulungu adansasanya?’ Ndi api maonero anu? [Dikhirani ntawiro.] Onani pinaleri ife apa.” Pangizani nsolo unagumanika pa tsamba yakumalisa ya A Sentinela ya 1.° de Fevereiro, pontho dingani pabodzi ndima yakutoma, na lerini lemba inagumanika mu ndima ineyi. Perekani marevista, pontho citani masasanyiro akubwerera toera kudinga ntawiro wa mbvundzo unatowerera.

A Sentinela 1.° de Fevereiro

“Tisafuna kudziwa maonero anu thangwi ya munthu wakulemedzwa kakamwe na Akristu, Ayuda, na Mamusulumano. Munthu unoyu ndi Mose. Ndi cinthu cipi cinanyerezera imwe mungabva dzina ya Mose? [Dikhirani ntawiro.] Ngakhale kuti iye acita madodo, ndi pyakukomesa kudziwa kuti Bhibhlya isalonga tani pya Mose. [Lerini Deuteronomyo 34:10-12.] Revista iyi isadinga makhaliro ace adidi matatu, pontho isadingambo kuti tinansangizira tani.”

Despertai! de Fevereiro

“Anthu azinji lero asafuluka kuenda ku madziko anango toera kusaka umaso wadidi. Kodi musaona kuti iwo ndzidzi onsene asagumana pinasaka iwo? [Dikhirani ntawiro.] Kufuluka kwa anthu nee kwatoma lero tayu. Onani citsandzo cibodzi cinagumanika pa bukhu yakutoma ya m’Bhibhlya. [Lerini Genesi 46:5, 6.] Revista iyi isatawira mibvundzo iyi.” Pangizani mwanaciro nyumba mibvundzo inagumanika kunkhomo kwa tsamba 6.