Kuthimizira Maluso Athu Mu Utumiki​—Kucita Masasanyiro a Ulendo Wakubwereza

Thangwi Yanji Mphyakufunika: Tingagumana munthu anapangiza cifuno, tisafunika kubwerera pa ndzidzi wakuti tinangumana panyumba toera kuthirira mbeu ya undimomwene idabzwala ife. (1Akor. 3:6) Kazinji kene, pyenepi pisaphemba kucita masasanyiro a ulendo wakubwereza mbatidzati kupangana toera kudziwa ntsiku na ndzidzi unafuna ife kubwerera. Kusiyapo pyenepi, mphyadidi kucita mbvundzo unafuna ife kudzadinga paulendo unafuna kudza. Pyenepi pinadzacitisa mwanaciro nyumba kudikhira na cifuno, pontho khala ntawiro usagumanika m’bukhu idasiya ife, panango anakhala na cifuno ca kuileri. Kucita masasanyiro a ulendo wakubwereza pisaphedza kakamwe, thangwi mphangwa zinafuna imwe kudinga mwazisankhula kale, pontho, mwanaciro nyumba asadziwa pinadikhira iye. Paulendo wakubwereza, tinakwanisa kulonga kuti tabwera toera kutawira mbvundzo udacita ife paulendo wakutoma, mbatipitiriza kucedza.