Boka Wɔ Bible Asuafoɛ Maa Bɛhɔ Asafo Nhyiamu Ahoroɛ

Asafo nhyiamu nwo hia paa wɔ nahorɛ sõen nu. (Ed 22:22) Bɛbɔ beyia nu bɛsõ Yehowa ne mukoraati nya anigye ne nhyiraa. (Ed 65:4) Sɛ Bible asuafoɛ kɔ asafo nhyiamu daa a, ɔmaa benya ngɔsoɛ ndɛndɛ.

Ɛkɔyɛ sɛɛ na aboka wɔ Bible asuafoɛ maa bahɔ asafo nhyiamu ahoroɛ? Kɔso to asaa frɛ bɛ. Ye vidio Nzu Yeɛ Ɔkɔ So Wɔ Yɛ Ahennie Asa So Ɔ? ne kyire bɛ. Na kã mvasoɛ bɔ ɔwɔ nhyiamu ahoroɛ naso nwo dwirɛ. (lff adesua 10) Ɛkɔhora kɔhã nikyee pɔtẽe bie bɔ esuane wɔ nhyiamu bo, anaakyɛ bɔ ɛmɔkosusu yenwo wɔ nhyiamu bɔ oli berɛ nanwo dwirɛ kohyire ye. Fa nwomaa bɔ ɛmɔkosua ne bie ma wɔ suaniɛ ne. Afei fa mmokalɛ pɔtẽe bie ma ye. Ebia ɛkɔhora kɔma bɛ esikaa maa bɛkɔfo kaa bɛkɔhɔ asafo nhyiamu. Yeti mmɔden biala bɔ ɛkɔbɔ kyɛ ɛkɔmaa wɔ Bible suaniɛ kɔhɔ asafo nhyiamu mmerɛ bɔ olimoa ne, mvasoɛ kɔwa so.—1Ko 14:24, 25.

NEA VIDIO NWO YƐKYERƐ BƆ YEƐ OLE BOKA WƆ BIBLE ASUAFOƐ MAA BƐHƆ ASAFO NHYIAMU AHOROƐ, NA YE NZƐMMISA BƆ OLILI SO HEMƆ NOA:

• 

  Yenwo atẽe beni yeɛ Neeta fa yɛle adwuma fa tole asaa frɛle Jade hɔle asafo nhyiamu ɔ?

• 

  Sɛ Bible suaniɛ bie ba asafo nhyiamu a, nzuati yeɛ yɛnye gye ɔ?

• 

  Mmerɛ bɔ Jade hɔle asafo nhyiamu bɔ olimoa ne, nzu yeɛ owuni ye ɔ?