Boka Wɔ Bible Asuafoɛ Maa Bɛbɔbɔ Bɛne Yehowa Fa Adamvoa

Yehowa pena kyɛ yefi ɔdɔ nu yɛsõ ye. (Mat 22:37, 38) Ɔdɔ bɔ Bible asuafoɛ le ma Nyameɛpiri ne, yeɛ ɔkɔhyɛ bɛ serɛ maa bɛkɔyɛ nzakraeɛ ahoroɛ na bagyina pindinn wɔ ɔtaeɛ nu ɔ. (1Yo 5:3) Na ɔdɔ bɔ bele bɛma Nyameɛpiri nala, yeɛ ɔkɔboka bɛ maa bɛkɔbɔ asu ɔ.

Boka wɔ Bible asuafoɛ nemɔ má benwui kyɛ Nyameɛpiri dɔ bɛ. Bisa bɛ edwirɛ biemɔ tekyɛ: “Nzu yeɛ ɛhe maa enwui fa Yehowa nwo ɔ?” anaa “Sɛɛ yeɛ ɛhe maa enwui kyɛ Nyameɛpiri dɔ wɔ ɔ?” Boka bɛ má bɛhã kyɛbɔ Yehowa boka bɛ nanwo dwirɛ. (2Bere. 16:9) Kã kyɛbɔ Yehowa abua wɔ mbaeɛ pɔtẽe bie nwo dwirɛ kyire bɛ, na hyɛ bɛ ngunaen kyɛ, bɛfa bɛnye bɛto ase bɛnea kyɛbɔ Yehowa bua bɛ mbaeɛ ɔ. Sɛ yenwu kyɛ Yehowa boka yɛ Bible asuafoɛ maa benya ɔdɔ bɔ enu yɛ se bɛma ye, na afei bɛfa bɛnwo bɛto ye so a, ɔmaa yɛnye gye paa.

NEA VIDIO NWO YƐKYERƐ BƆ YEƐ OLE, BOKA WƆ BIBLE ASUAFOƐ MAA BƐBƆBƆ BƐNE YEHOWA FA ADAMVOA, NA YE NZƐMMISA BƆ OLILI SO HEMƆ NOA:

• 

  Tebea bɔ enu yɛ se beni yeɛ Jade yiale ɔ?

• 

  Sɛɛ yeɛ Neeta bokale Jade ɔ?

• 

  Sɛɛ yeɛ Jade hora lili tebea bɔ né enu yɛ se naso ɔ?